| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Hilfe suche Hochzeitslocation
 1 2 3
16.09.10 09:55
tulipa 

Hilfe suche Hochzeitslocation

Hallo zäma ka mir öper Helfe i suach im Raum Schaffhausen nach geeigneten Räumen, Scheunen, Sälen und Restaurants für e eifach Hochzits gsellschaft. Danke für eueri Hilf


grüassli tulipa
16.09.10 10:17
cosa87 

Re: Hilfe suche Hochzeitslocation

Hallo Tulipa

Ja da problem hend mir au gha.. :)
mittlerweile hemmer öbbsi gfunde.. :) wie gsehsch hürotet mir e Wuche Spöter..
Bi üs isch es problem gsi, das mir e Externe Ceterer hend wele und es het mösse en Saal sie für ca. 120 Persone und rollstuhelgängig..

Wa hesch den du für Vorstellige ev. chani dir en Tipp geh.

Ehner im Stil wie im Güeterhof oder en eifache Trunhallesaal.. ???
Anzahl persone?

lg cosa

am 27.08.2011 isch üsen grosse Tag
*****Du bist ein Teil von mir*****
16.09.10 10:26
tulipa 

Re: Hilfe suche Hochzeitslocation

hoi cosa87

mir sind öpa 60 Persone vu dene 60 Persona, sind 14 Kind.

drum wömer eher öpis unkomplizierts wo die Kind au könd dusa umerenne.
i denk eher en Saal oder e Schüür. Mir wohned im Klettgi und würed gern döt öpis finde.


Danke vielmol fürs schriebe

lg tulipa
16.09.10 10:30
cosa87 

Re: Hilfe suche Hochzeitslocation


jo gits im chläggi kei Schür?
in Wilchinge gits doch au e schöni... ufem Berg i underneuhus... weiss aber nid wie die Familie heisst wo da vomietet.

oder muesch mol do luege

http://www.schaffhauserland.ch/de/list.c...herecelebrateSH

ha döte au scho einiges gfunde für Geburtstag und so..

am 27.08.2011 isch üsen grosse Tag
*****Du bist ein Teil von mir*****
16.09.10 10:35
tulipa 

Re: Hilfe suche Hochzeitslocation

doch scho eini isch Trasadinge und dia isch a dem datum schu bsetzt und de Erlebnishof zu Wichinge au. dia hetet mir mega zua gseit. Aber mir hönd etz no zhallau eini gfunda könnt dia aber im moment nöd aluaga, will dia immer bsetzt isch. sie het mir de termin mol provisorisch reserviert. mol luaga i ka dere frau im Okt. mol alüta und den viellicht mol aluaga.

het nia denkt das me so früa mu afanga zplane. danke rüd dini hilf.

bisch du schu wit mit plane?


lg tulipa
16.09.10 10:52
cosa87 

Re: Hilfe suche Hochzeitslocation

Bitte bitte :)
wa heisst do Wiit... anderi sind wieter... drum hani amigs es gfühel dasi recht hinedri bin... wens noh mim fründ goht hettemor jo no GNUEG ziet.. :)

mir hend bis jetzt

* Trauzüge und Tätschmeisterin
*Iladingsliste (die voänderet sich aber laufend.... )
*Saal in Neuhuse
*Kirche (Insel Rheinau)
*Pfarrer
*Fotograf
*Cateringservice
*den hani so Save the Date Magnet gmacht und scho ade Volobigsfiir voteilt
*Iladingskärtli hani scho e Varainte usgsuecht.. (wird aber erst im Jan. Feb. fertig besproche)

jo da isch scho alles... also nid würki viel..

im moment bini a:
*Trauring.. (bi halt mega uf Wiis- und Gelbgold fixiert... do isches eifch no recht tür)
*Deko
*Blueme (het nie denkt dasme 200.- für en Brutstruss mue rechne..)
*Aperolocation... will döte chömmers nid mache will den grad die nöchste noch üs chömed
*ev. Schiff (boot) fahrt vo Rhinau uf Neuhuse an Rhiifall
*Coiffeur
*Gästegschänkli
*Unterhaltig

De grössti Teil wetti eigentlich bis afangs Oktober ha..


* es Kleid wetti erst im Dezember go usueche

jo da isches glaub bis jetzt..

wa hend den ihr bis jetzt?



am 27.08.2011 isch üsen grosse Tag
*****Du bist ein Teil von mir*****
16.09.10 11:05
tulipa 

Re: Hilfe suche Hochzeitslocation

hoi cosa


do bisch jo schu viel wieter wi ni. I ha erst d Kirche zu Nünkirch und dPfarreri vu do. Den hönd mir Gästeliste und i ha allne mine Gäst mol sDatum dure geh. den hani Trau züga und dänn het sichs.


Min Schatz het nöd viel Zit mir zhälfa und drum muni fast alles selbermacha. Isch mängmol e kli schad. Aber i schaff da schu no

S Kleid wot i au erst öpa im Dezember go ussuache. Deko weiss i was i wot, i het gern Sunnebluame und i denk da mach i selber.

den wömer e Kutschfahrt mache und i ha min Coiffeur und s Brutmake up isch au schu klar wer da macht

als Gastgschenkli ha ni mir denkt das mir e Brut und en Brütigam bached i guatsli form und dia de Gäst mitgend

mer hond erst gad e Huus kauft drum mua s Hochzit e kli schmäler usfalle.

Aber i denk es wörd schlussendli so wi mir üs da vorstelled.

lg tulipa
16.09.10 11:57
nimbini 

Re: Hilfe suche Hochzeitslocation

@tulipa, wie wärs mit em schloss laufe? die sind mega chinderfründlich det! hät en riesige erläbnis-spielplatz für chind und en extra ruum für d'chind mit so herzige chline stüehl und tischli! zudem chönd sie eu au öpper organisiere, wo d'chind unterhaltet.... sie händ würklich gueti agebot det, so dj-alag etc isch alles gratis, verlängerig zahlsch erscht ab em morge am 2 etc.... und ihr chönnted sogar direkt mit em schiff bis det ane fahre..... mir hüratet det am 18. dezember und s'agebot hät eus echt begeisteret!
16.09.10 12:09
cuenca 

Re: Hilfe suche Hochzeitslocation

hallo tulipa

bin zwar nid würklich us de Region, aber Winti isch ja au nid eso wiit ewäg :-)

ich han gseh, dass es in Nohl no e Bäse-Beiz hett: http://www.taverne-nohlbuck.ch/
aber vilicht isch das au zwiit wäg...

Restaurants gits ja im Klettgau eigentlich no vil. Ich han oises Restaurant per Google-Maps gfunde gha :-). Han eifach Restaurant und denn de Ort igäh und denn zeigts der alli (itreite) Restaurants ah...

_____________________________________
Wir heirateten kirchlich am 4. September 2010
16.09.10 18:22
tulipa 

Re: Hilfe suche Hochzeitslocation

Danke cuenca

das werd i mir sicher mol aluaga, isch en guata Tip.

megaliabi Grüass tulipa
 1 2 3
erläbnis-spielplatz   hofackerzentrum   herecelebrateSH   chinderfründlich   s`hofackerzentrum   rollstuhelgängig   Gästegschänkli   Glaskerzenständer   Sonnenblumenblüten   schaffhauserland   unkomplizierts   dessertbuffet   Cateringservice   würklich   Hochzeitslocation   Iladingskärtli   Tätschmeisterin   vorspiise-buffet   unkompliziert   taverne-nohlbuck