| Location Region Fraubrunnen/Kirchberg BE |
|
|
1 2
|
|
|
|
|
22.11.07 16:05
Sibylle 
|
Re: Location Region Fraubrunnen/Kirchberg BE
hallo!
s schlossjegenstorf isch für apero und sfötele sehr beliebt:-)
mir fyre imnä schopf vomnä buur üsem nachber mit partyservice!
mini besti fründin het z utzenstorf, wär ou nid wyt wäg, im kirchgmeindhuus dasch e saal mit bühni, chuchi etc. gfyret am abe! hinger usse ischs wäuz schön mitemene teich und grüen und so würklech romantisch und gmüetlech.
sit dir de vo fraubrunnen i der nächi?
lg usem buechiberg
daniel & sibylle 19.01.01= 30.05.2008 / 07.06.2008
|
|
|
|
22.11.07 16:27
Charlie
|
Re: Location Region Fraubrunnen/Kirchberg BE
Mir wohne z Chirchbärg, aber i finge Froubrunne so schön aus Lokaliät vom Ziviler! U wiu mer eifach Zivil tüe hürate möchte mer doch glich ou e chli es schöns Ambiente!
merci vür e Tipp mit Utzistorf!
|
|
|
|
22.11.07 16:32
Sibylle
|
Re: Location Region Fraubrunnen/Kirchberg BE
viellicht kennsch d mehrzwäckhalle ds utzistorf wo si ou unihockey spiele vor dr chiuche rächts? das wäri dert hinge dra.
schön hets fang paar lüüt vor umgäbig im forum!
lg sibylle, mir wohne z unterramsern aber bi zbätterkinden ufgwachse:-)
daniel & sibylle 19.01.01= 30.05.2008 / 07.06.2008
|
|
|
|
23.11.07 09:20
Charlie
|
Re: Location Region Fraubrunnen/Kirchberg BE
Auso kenne isch übertribe gseit, weiss eifach wos isch. Aber das wär natürlich scho öppis. Langsam müesse mer äbe scho luege, hei no nid würklech viel organisiert!
Finges ou super hets es paar Lüt us der Region
|
|
|
|
23.11.07 10:35
Sibylle
|
Re: Location Region Fraubrunnen/Kirchberg BE
ja es git scho wäuz viu ztüe bim organisiere sonäs fescht!
aber schliesslech hüratet me ja nume einisch und es isch ja fürnäs läbelang! (wüu angers dänke weimer gar nid!)
heit dir dr termin scho entschiede?
mir hei jitz beid termine fix und si am chärtli mache, weise de im februar verschicke dass d lüt gnue zyt hei säch azmälde!
gah nächst donnschti gah chleider luege uf huttwil fröie mi scho mega!
mi dünkts zwar no viel z früeh aber dje im forum hei ihres dje meiste scho lang und es si ebe im momänt no d 2007 modäu abeschgriebe für 1000.- und we de grad so eis würd pass und mir natürlech gfaue wär das no gäbig geld gpart!
aber es muess trotzdem mis troumkleid sy:-)
lg
daniel & sibylle 19.01.01= 30.05.2008 / 07.06.2008
|
|
|
|
23.11.07 11:44
Charlie
|
Re: Location Region Fraubrunnen/Kirchberg BE
Nei no nid ganz, entwäder am 22.8. oder 29.8.
Weisch, ztüe gits scho, aber da mir ja "nume" ziviu tüe mit aschliessendem lockere Apero und Ässe, dänkeni isch das no chli weniger Ufwand weder wenn me no id Chiuche geit.
Üs seit d Chiuche eifach nid viu, drum mache mer das so.
I wirde aber sicher ou es Chleid aha, aber nid es wisses (steit mer absolut nid die Farb), aber i has o no nid...i ha ja no chli meh Zyt aus Du 
Ou ja, d Charte si ou so es Thema, da i nid so Kreativ bi, wärde mer da äuä meh Gäud usgäh und so die Standartcharte wo z.b. bim Brodmann z burgdorf chasch useläse, näh...
Mir würd äbe vorschwebe nam Ziviler es gäbigs Apero ufem Burrehof und när de mit de gladne Gescht ine Partyruum mit Catering. Mir wei äxtra so chli öppis lockers - o wenn de vilicht teil vo mine Verwandte dumm us der Wösch luege... isch mer aber glich, isch mit Tag und baschta.
D Gäschtelischte wird ono nätt, hei afe chli agfange überlegge und i ha ja scho im angere Thema über das Gschribe, chönnt de äuä no böses Bluet gä bi teilne... aber henu, wie gseit, isch üses Fescht... u de mache mer s wie mir wei u nid wies die Verwandte gärn hätte 
|
|
|
|
23.11.07 11:58
Sibylle
|
Re: Location Region Fraubrunnen/Kirchberg BE
ja mir wei ou eifach es guets und gmüetlechs fescht und när no party!!!
dje wo nümm möge oders nid passt söue de halt hei gah!!!!!!!!!:-)
aber ig gloub d organisation git so oder so ztüe!
dr brodmann kenni schaffe z burgdlef!
mir si ebe o zersch ir papeterie gsi wäge denä chärtli het üs de ztüür dünkt hei sä jitz selber deheime gmacht ufäm pc gits ja viel müglechkeite! kostet üs 2.- franke. pro karte
daniel & sibylle 19.01.01= 30.05.2008 / 07.06.2008
|
|
|
|
23.11.07 12:17
Charlie
|
Re: Location Region Fraubrunnen/Kirchberg BE
Ja d Organisation git uf beid Wäg ztüe, stimmt.
Guet die Chärtli si äuä scho cheibe tüür - ev. tüe mer is de ou umentscheide u tüe säuber öppis ufem Compi kreiere und das när la drucke, chunnt gloub ou nid soo tüür.
Aha Du schaffisch z Burtlef, isch aber o no e wite Arbeitswäg vo Ungerramsere oder nid?
I has gäbig, schaffe z Froubrunne und ha 5 Minute für hei.
Muesch de unbedingt mitteile wie das bim Minder z Huttu gsi isch!
|
|
|
|
|
|
|
|
1 2
|
Anmelden
