| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Schloss Lenzburg
 1 2
14.04.09 12:37
Muus2  		Schloss Lenzburg

Hallo zäme

Euse Traum esches scho emmer gsi, am Abe ufem Schloss Lenzburg zfiire. Hürotet öber vo euch au det, oder het sogar scho?

Mer händ de chli Rittersaal reserviert, da mir ca. 50-70 Lüüt wärde sii. Mer send ehn au scho go aluege, aber er gfallt eus ned wörkli (Bode, zwenig Fenster). Hingäge de gross Rittesaal (för 80-260 Lüüt) esch wonderschön, au de Garte före Apero verosse. Nor seit de Schlossherr, dass de Saal zgross esch för die Azahl Lüüt und es zu Still wird sii. Het öper vo euch Erfahrige met dem oder was wörde dir mir rate? Am 25. April chömmer nomol go luege, denn esch de chli Rittersaal dekoriert, vellech gsehts de au weder andersch us. Aber denn müemmer eus entscheide... schwierigi Sach!

Grüessli


28.08.2010 - endlich mit mim Engel vereint!!!
14.04.09 12:43
Piglet 

Re: Schloss Lenzburg

Hallo Muus!

Hm, schwerig. E wörd jetzt mau noeinisch go luege, dekoriert gset dr chli velech wörkli ganz anders us. Tendenziell wördi eher dr chliner Saal nä. Cha mer guet vorstöue dass me sech em andere Rum aus Gast de chli verlore fühlt. Oder me füllt de Saal no mit Deko, was aber äuä schwerig (ond tüür) werd.
Es anders Schloss/Borg chond ned in Frog? Der sit jo no rächt früe dra met dr Planig, hättet auso no gnueg Zit anderi Locations go azulege!
14.04.09 14:52
Muus2  		Re: Schloss Lenzburg

Danke Piglet för dini Antwort.
Jo mer gönds sicher nomol go aluege und wenns eus de gfallt nämemer sicher de chli, esch au gönstiger vom Priis. Vell Deko wotti ned, das öbersprängt euses Budget au :-)! Es esch ebe so, dass eus da Schloss verbindet und mir au beidi z Länzburg wohne. Dezue gfallt mer de alti Stil, e moderne Stil gfallt mer ebe ned so före Hochziit, und meistens (vorallem i Restaurant) esches modärn.. Zom Glöck semmer au scho so früeh dra, im August hets nor no euses Datum frei gha, schösch komplett usbuechet. Esch Wahnsinnig...

28.08.2010 - endlich mit mim Engel vereint!!!
14.04.09 17:44
Kaz 

Re: Schloss Lenzburg

Hallo Muus2

Mini Schwöster het uf Schloss Lenzburg gfiiret. Wunderbar!!! Sie send ca 70 Persone gsi aber ich han kei Ahnig i wällem Riitersahl sie ghürote händ. Glaub im Chline? Mer hät emel no gnueg platzt gha för zom Tanze und gnueg platz förs Dessertbuffet... Aber ich chan der wörklich ned säge i wällem Sahl das gsi esch!! Es esch uf jedefall, super gsi!!

Grüessli Kaz
9. Mai 2009... Ja ich will!
15.04.09 11:12
Piglet 

Re: Schloss Lenzburg

Hoi Muus
Krass dass das Schloss so usbuechet esch! De heit der jo wörkli Glöck gha!
E dänke met chli Deko chame secher ou osem chline Saal öpis tolls mache, das muess ou gar ned tür si. Ond ebe, vöu Rüm gsänd jo eh ganz anders us wenn si dekoriert sind. Ond wenn der so en Beziehig händ zom Schloss Länzborg wärs jo wörkli super wenn der dört chöntet fiire!
Stemmt, mer gfaut das aute ebe ou no (auso so rechtig alt).
För öises Ässe am zivile hei mer es Restaurant gfond emet emne Wichäuer wo me denne cha ässe. Dä esch zwar ned onbedengt aut, aber so schön gmuret ond so. Fröie mi scho mega. Hürote düend mer of Schloss Wildegg...esch ou schön aut...
15.04.09 11:52
Muus2  		Re: Schloss Lenzburg

Hoi zäme

@Kaz: So schön, freut mi! De gross esch obedra und de chli onde.

I be au verschrocke woni da ghört ha! För da Johr hets nor no 1 Termin frei im Oktober oder so.. esch wahnsinnig!
Mer sind nomol d Gästeliste durre gange und chömme jetzt doch uf knapp 75 Lüüt. Esch no schwierig uszwähle wer ilade wemmer e grossi Familie het...! I dänke met dere Azahl sets guet cho im grosse! Und wemmer eus ned grad i chli verliebe nämemer sicher de gross. Es esch zwar türer aber da macht de au nöm vell us.

Es muess nedemol alt sii, aber ned so modärn und eifach. Wie heisst denn das Restaurant?
Wauu s Schloss Wildegg esch au meega schön!! Wenn hüroted ehr? Chonsch vo da ide nöchi?

28.08.2010 - endlich mit mim Engel vereint!!!
15.04.09 12:21
Piglet 

Re: Schloss Lenzburg

Ui, so vöu Gäst? Der heit jo öpis vor... aber stemmt scho, es esch ned eifach z'entscheide wär me wott ilade. Ond wenns drom en Grond me get de gross Saal z'nä esch jo ou guet!
S'Restaurant esch dr Gasthof drei Sternen en Brunegg. Grad i dr nöchi vom Schloss Wildegg. Mer hürote em Oktober das Johr. Nenei, mer sind osem Kt. SO, aber öis het ebe das Schloss ou so gfaue, mer stönd eh of so alti Gemäuer...hend ou no anderi agluegt, aber das esch ideal för öis. Mer möche en freii Trouig em chline Kreis.
15.04.09 14:02
Muus2  		Re: Schloss Lenzburg

Ja mir händ e grossi Famiile. Mer händ eigentli zersch welle uf ca. 50 beschränke, esch zemmli schwierig gsi drom hämmer jetzt eus so entschede. Ha grächnet wie tüür s wird cho, esch scho ca. 3000 Franke meh! Esch vell Gält aber wemmers ufs ganze beschränkt esches eus das Wärt.

Kenni gar ned in Brunegg, muesi demfall mol aluege. Danke füre Tipp!! Förs zivile hämmer nämli no nüt planet. I ha mol s Rest. Vogelsang in Egg LU im henderchopf gha, da esch sehr schön det. Gsehsch uf Bärge und de See! Aber esch 45 Minute zom fahre vo eus..

Oooh so schöön! Denn traued ehr euch ufem Schloss Wildegg und fiired denn aschlüssend det? De hoffi ganz fest för euch dass s Wätter mitspellt :-)!

28.08.2010 - endlich mit mim Engel vereint!!!
16.04.09 08:03
Piglet 

Re: Schloss Lenzburg

Jo du, das muess jede säuber wösse, wievöu Lüt dass me wott ilade.
Bitte gärn gsche. Dä Wichäller esch aber nor för max. 14 Persone. Sovöu Lüt wärde mer ebe si a öisem Hochzitstag. Wär vo däm här no schön förs ässe nachem zivile. Wies ässe em Restaurant esch, weissi aber nonig. Mer müend de no go probeässe. Aber si händ en uszeichneti Chochi, sött auso scho guet si
45 min. donkt mi jetzt ned so vöu. Velech chönte ders jo grad met emne chline Usflog verbende oder so?
Genau mer hürote ofem Wildegg ond gänd nochär dörthe go ässe. Zwöi Woche spöter gets denn no en Apero ond es ässe för Bekannti/Verwandti etc. Mer händ das chli anders ufteilt aus üblech wöu mer öisi Trouig gärn em chline Rahme hei wöue mache.
E hoffe ou dass s'Wätter metmacht. De wörde mer em Garte hürote. Söscht haut denn i dr Schlosshalle.
16.04.09 22:24
Kaz 

Re: Schloss Lenzburg

Demfall het si unde ghürate!! Mer hät jetzt aber dä ruum super gfalle... gäll aber das esch gschmack sach

Grüessli Kaz
9. Mai 2009... Ja ich will!
 1 2
Gschwösterti   aschlüssend   Hochzitstag   dekoriert   Lenzburg   öbersprängt   verschrocke   entscheide   vereint   endlich   Rittersaal   Dessertbuffet   begeisteret   Restaurant   uszeichneti   Wahnsinnig   Schloss   Schlosshalle   henderchopf   Wildegg