Liebe bunny

Du hast das ja sicher nicht böse gemeint - aber es ist natürlich ziemlich herabwürdigend und stempelt psychisch kranke Menschen zu einem "no go", zu unerwünschten Objekten die nicht mal in die Nähe einer Feier gehören.

Ich wünsche Dir, Deinen Nächsten und Deinen Liebsten, dass nie die Situation eintritt, dass die Einweisung in eine "Psychi" nötig sein wird. Und überhaupt ... kein Krankenhaus, keine AIDS-Station, kein Kinderheim für verwahrloste Kleine und auch kein Drogenstübli usw.

Ich kann chena2 Reaktion gut nachvollziehen. Und vielleicht müsste man sich da wirklich gut überlegen, was man schreibt. Und wie.
C'est le ton qui fait la musique....

Ich will hier keineswegs angreifen oder massregeln - aber vielleicht zum Nachdenken anregen. In all dem Schönen dass WIR erleben dürfen, sollten wir nicht vergessen, dass es Menschen gibt, denen Glück versagt bleibt. In jeder Hinsicht. Und das sollten wir dann nicht auch noch werten, herabwerten.

Alles Gute Allen hier und ganz liebe Grüessli

Sternenmeer

hoi kolibri
händr euchei Location gfunde?

grüessli

Hey Muggi,

Mi verlobte het jetzt mol bim Hotel Schützen aglüte mir gönge es morn go ahluege e frog weisch du au ob sie es döt schön dekoriere? Will uf de Homepage gseht me ebe leider keini bilder. Und vo de Pris här isches nid allzu tür oder?

Liebi grüessli





*verliebt 05.05.2005 verlobt 05.05.2009 verheiratet 26.06.2010*

Hey Muggi..

Ah okey jo mir sind go luege. Leider isches mim Fründ "z dunkel" er würd gärn neume mit Fänster.. Männer.. aber süscht isches schön Ihm gfallt halt am beste dr Schlossgarte vo allem wo mir sind go luege bis jetzt.

Jo sag nüd dass isch mega schwer. Wie isches mit euchem Fotograf het er kei Idee? Süst frog i mol unsere. Dörf i froge wo du di Brautkleid kauft hesch?

Ganz liebi grüessli





*verliebt 05.05.2005 verlobt 05.05.2009 verheiratet 26.06.2010*

ich finds au super dass es e Bühni het für d Band im Schützekeller. Das stimmt mir wärdes finde.

Ah jo do wirds schwer sie für sie. Ok i frog mol die sötte das nämli wüsse. Sag dir den bscheid sobald i mehr weiss.

Hesch miese lang fahre uf Beromünster? bedienig isch guet gsi? Das isch mir nämli sehr wichtig dass sie fründlich sind

Bi dir gohts jo au nüm lang bis zur Hochzit hesch süst alles vorbereitet?

Liebi grüessli, Jenny







*verliebt 05.05.2005 verlobt 05.05.2009 verheiratet 26.06.2010*

Hoi Steffi,

Jo kei problem aber es wird sicher Mentig.

Oh, do wird sie vo mir sicher au gnervt sie weni die glich den ha isch e guete Tip messi.
Wär zwar gärn neume do in Basel und Umgebig gange aber es het irgendwie voll nüd gschids.



Messi vielmol isch mega lieb!!




*verliebt 05.05.2005 verlobt 05.05.2009 verheiratet 26.06.2010*