Hallo zämä

ich bin grad uf dä suächi nach ämä rum für dä apero in rapperswil. hät irgend öpert ä idee?
am liäbste hetet mer nur än rum zum miätä für ca. 150 personä. s catering würdet mer gärn über üsä kolleg machä wo än chäsladä hät in jona und fürs fleisch hetet mer au öpert sowiä für d getränk hani au conactions. :-) jetzt fählt eifach no än ruum zum miätä wo mer chönt bi schönem wätter verussä stah und bi grusigem wätter inä.

dankä für eueri hilf. :-)

Isch zwar nöd in Rappi sälber, (üs isch da alles ztür gsi) aber mir sind in Buebike im Ritterhus gsi. Leider häts üs total verschiffet und mir händ drum dä wunderschöni Innehof nöd chöne bruche, sonder sind in Rittersaal usgwiche.

Ja leider, Petrus hät total verseit
Oh ja, dänn wärs würkli chli än umwäg. Mir händ eigentlich au in rappi öpis gsuecht, will mir im schloss ghürate händ. Mir sind dänn aber am abig eh is glarnerland go fäste, drum ischs nöd drufa cho. und d "nur-apero"gäst sind nöd ad trauig cho, so hämmer nu di gladne gäst müese chauffiere.
Usserdem händ so d Arbetskollege vo mim Ma mitem Zug grad direkt chöne anefahre, wills det ja so stillgleiti gleis hät, das isch cool gsi.
Sus fallt mer in rappi sälber grad nüd so spontan i... allefalls im Chrüz in JOna? weiss aber nöd wies mitem cartering det isch.

Ah lustig Mer händ im Ferieheim Gufelstock gfiret, in Engi. Det hät ebe d Cousine vo mim Ma scho s Fest gha. Me het s ganze Hus für sich, s hett Zimmer, si tüend choche und zmorge mache, das isch perfekt gsi für üs. Min Ma isch ursprünglich us Glarus, jetzt wohnemer wäg dr Arbet in Rappi.

Ja das verstahni. Und dänn wottsch wänn möglich nöd auno äs Vermöge usgä für dä Apero! Mir händ au drü Kollege gha wo dä Service gmacht händ, Getränk hämmer gholt und Brötli etc, bstellt bim Beck.

Hm, also mir fallt würkli grad nüt so grosses i... hm, allefalls ade Hochschuel öpis? viellicht chame det d mensa miete, die wär ja grad ebeerdig richtig see use. aber sus... hät ja viel restis mit sääl, aber die chasch nöd ohni esse miete... druck der aber dume daser öpis passends finded!

dankä ihr zwei. :-)

muäs mal luägä d mensa adä hsr wär dä hammer wäg de ussicht. chan ja mal afrage öbi diä chan ohni dä sv service miätä, das weti dän scho. :-)

ja das mit dä chilägmeintdshüsär muäsi no guckä, han min däd mal für das agstellt.

ui dä bächlihof z jona chasch nöd zahlä, han das mal agluäget fürs abigässä und das isch sooo tür, nöd normal. :-(

janu ich findä scho öpis, sust nimi dän s rappi stadion. :-)