nicht registriert

Hoi zäme

Wie viele Monate vor eurem grossem Fest habt ihr eure Festloaction reserviert?

15 Monate. Kommt aber fast darauf an, wann ihr heiratet. Für spezielle Daten wie 12.12.2012 oder so, würde ich schon eher. In der Hauptsaison (Mai, Juni) und in beliebten Lokalen würde ich sicher auch 1 Jahr im voraus nachfragen und falls noch frei ist reservieren wenn ihr euch sicher seid.

mer hends 10mönet vorher reserviert!!! ha gmerkt dass mer scho eher knapp dra send (has zersch ned wele glaube)! det womer wend fiire esch sehr beliebt ond die hend em dezember scho jede samschtig (ossert a 2datum) e hochzit gha förs 2013! mer hend d location nor becho well es naders paar abgspronge esch! aber ebe es chont ofe ort druf a! neumet wos beliebt esch zom hürote muesch früeh reserviere!

also wänn s datum weisch und scho öpä weisch i welem resti dän würdi reservierä. mir händ au öpä äs jahr vorher gsuächt und idä region rappi zum bispil rächt müä gha. einä hät mi sgoar zämägschissä wasi dän z gfühl heg, im juni seget sie bis uf zwei jahr usbuächt...!!!

also looos reserviere und dän häsch ruä.

Mir hei anderthalb Johr vorem Datum reserviert. Fingi rächt früech und spöter wär eh oh keis Problem gsi, aber ig ha kei Luscht meh gha witer z teschte und z sueche. Viel früecher würdi aber im Fall würklich nume, wenn es speziells Datum hesch oder es sehr beliebts Resti wettsch. Wil süsch chas ging si as i dere Zit vilich öpis schöners würdsch finge, dini Asprüch oder euches Budget sich ändere, ds Resti d Konditione oder d Priese änderet, dr Bsitzer wächslet etc Me weiss jo nie. Die meischte Restaurants, wo ig agfrogt ha, wo oh für Hochzite beliebt si, hei gseit chli meh als es Johr vorhär längi ir Regel, aber ebe, wenn zB es Schloss wottsch oder süsch öpis ganz ussergwöhnlichs, de isches aube scho so, as si uf 2 Johr use usbuechet si.

Ja, dann ists sicher nicht schlecht, jetzt schon auf die Suche zu gehen. Ich fands unglaublich schwierig, alle unsere Ansprüche zu erfüllen. Uns war vor allem der Saal wichtig (Ich will ihn nicht mit Deko "aufwerten" müssen und er musste eine bestimmte Grösse haben) und das Preisleistungsverhältnis. Wir essen auch gerne gut und legen viel WErt auf guten Service und das ein oder andere Restaurant, das wir kennen, wäre durchaus "hochzeitstauglich" aber die wären uns dann einfach zu teuer Da wir zusätzlich auch noch in der Region bleiben und keine komplizierten, mühsamen Auflagen vom Restaurant wollten, wars wirklich nicht einfach und schlussendlich mussten wir doch Kompromisse eingehen (Also nichts tragisches: Das mit in-der-Region-bleiben, ging zB leider nicht und die Stühle werd ich definitiv mit Hussen verschönern müssen). Darum tust du sicher gut daran, früh zu suchen und ich drück dir die Daumen, dass ihr was findet, das all eure Ansprüche erfüllt!

Zuletzt bearbeitet am 26.04.13 09:41