Ich glaube in diesem Moment ist die ganze Anspannung von der Braut heruntergefallen. Köstlich!

*** *** ** Wir heiraten am 25.06.2010** *** ***

hey dorina

loool, bisch go üebe laufe :-)??? dass genau weisch wieviel schritt es sind? ach i glaub das machi gar nöd, sus wirdi no nervös. machsch du au immer ein schritt mit links, beid füess zeme, denn sgliche rechts? han das mol ghört me mach das, han mer gar nie so gedanke gmacht :-)

grüessli

Hey Carmile
Also d Schrittfolg mached mir genau so wie dus beschribsch. Mis Imarsch-Lied het de Gospelchor zum Glück uf sinere Homepage als Hörbispil, so dass ichs mim Papi scho mol ha chöne zeige und mir sind zämme durch d Wohnig stolziert. Es isch ebe es sehr langsams Lied, drum isch das mit em Füess zäme vor em nöchschte Schritt schlicht nötig. Min Papi hets zerscht probiert mit eim Fuess nach em andere, ebe ohni zäme näh, aber do isch er so us em Glichgwicht gheit, dass mer beidi fascht gfloge wäred.
Ich wird sicher dehei, grad bevor mer zur Chile übere laufed, au nomol chli durch d Wohnig mit em Papi. Mir händ jo zum Glück z Fuess zur Chile übere nur zwei Minute.
Gross go aluege bini die Chile nid extra, bi jo eh regelmässig dört.

Jo ich dänk es chunnt sehr ufs Tempo a. Eigentlich wär ich no gärn eifach nur "gschritte", also ebe glich ein Schritt nach em andere. D Zwüscheschritt (falls me däm zämme näh so seit) mached die ganzi Sach eifach no chli theatralischer, find ich. Aber es isch jo schliesslich au de grossi Uftritt, und wenn ich mich scho nid cha degege wehre, dass ich de Räscht vom Tag die wiblichi Hauptrolle ha, denn grieg ich au min Uftritt!!