| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Alles, was nichts mit Hochzeit zu tun hat ;-)
 1 .. 103 .. 203 204 205 206 207 .. 464 .. 720
13.12.11 11:41
livipivi

nicht registriert

 Re: Alles, was nichts mit Hochzeit zu tun hat ;-)

Chan mir nur scho ned vorstelle wenn er alli grosse Koste mues zahle- au wenn ich immer Teilziit wirde schaffe- s gröbst mues ja denn sicher er zahle- ui krass- ich weiss na gar ned wie das söll gah Ich ha ehrlichgseit eher müeh mir vorzstelle das mir jetzt üses Geld i eis Konto würded werfe- ich meine- isch doch meins wenn ich au defür schaffe und genau so sis wenn er defür schafft- bi üs wird das erst es Thema wenn Babys chömed

Hand in Hand... ein Leben lang, seit dem 07.05.2011

13.12.11 11:49
angiyves 

Re: Alles, was nichts mit Hochzeit zu tun hat ;-)

Ich find das ganz sälbstverständlich dass dä wo mehr verdient au mehr git! Do drmit meini nit shoppingsache und so...

Liebe Grüsse

Angi <3 Yves , am 14.8.2012 ist es endlich soweit!
13.12.11 11:51
PrinzessinN

nicht registriert

 Re: Alles, was nichts mit Hochzeit zu tun hat ;-)

@livipivi: Bi üs wirds au erst denn es Thema.

Obwohl...rein rechtlich isch es jo noch de HZ 50:50, wenn me nüt veribart het. Vo dem her....aber ich chans mir au nöd vorstelle. Das isch doch mis Geld

...Today, Tomorrow And Forever...You'll always be my love...8. Oktober 2011
13.12.11 12:15
trinidattli  		Re: Alles, was nichts mit Hochzeit zu tun hat ;-)

Mir hei ou es gmeinsams Konto und zwar nid erscht sit der Hochziit sondern sit churz nachem Zämezieh. Für üs hättis nid gstumme wenn mers getrennt gloh hätte, si jo schliesslech es Team und luege fürenand. Naja mir si ou beides rächt ähnechi Type, was s Gäud usgäh abelangt.
13.12.11 12:17
Proeschu 

Re: Alles, was nichts mit Hochzeit zu tun hat ;-)

aso ich fende dVorstellig au chli komisch... aber was ich no vell "komischer" wördi fende... wenn ich gar nömme wördi schaffe (us wellne Grönd au emmer) denn "müessti" jo min GG alles zahle, inkl. so öppis wie es Sackgeld för mich... DAS fendi voll schräg... vor allem ben ich die bi ois, wo schön cha spare, min GG esch eher so wie ehr (ned bös gmeint eifach ned ide Mode, sondern eher PC/Elektronik mässig )

.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011
13.12.11 12:23
angiyves 

Re: Alles, was nichts mit Hochzeit zu tun hat ;-)

trinidattli:
Mir hei ou es gmeinsams Konto und zwar nid erscht sit der Hochziit sondern sit churz nachem Zämezieh. Für üs hättis nid gstumme wenn mers getrennt gloh hätte, si jo schliesslech es Team und luege fürenand. Naja mir si ou beides rächt ähnechi Type, was s Gäud usgäh abelangt.

seh i au so

Liebe Grüsse

Angi <3 Yves , am 14.8.2012 ist es endlich soweit!
13.12.11 12:28
dia

nicht registriert

 Re: Alles, was nichts mit Hochzeit zu tun hat ;-)

Uiiii nei, ich möcht au kei gmeinsams konto!!! Mit hän eins für e huushalt, aber sunst het jedes si eiges! Ich möcht do au nid für jedes paar schueh rächeschaft abgäh. Er goht besser mit gäld um wie ich, er würd glaub nid freiwillig es gmeinsams lohnkonto welle...
Ich bi do wie d livipivi, bi au meistens ändi monet pleite und würd nie, wirklich nie mi maa nach geld go bättle!!! Do biss ich lieber dure, do ha ich z fest mi stolz!
Ich wird die separate konto au biebhalte wenn ich mol kinder han, es isch immer besser wenn d frau unabhängig bliebt!

Lg, dia


....unser Traumtag war am 21.5.2011...
13.12.11 12:32
trinidattli  		Re: Alles, was nichts mit Hochzeit zu tun hat ;-)

@ angiyves: Mir si gloubs d Ussesiter


Wenn mer keis gmeinsams Konto hätte, hätti gloub sehr Müehi mit de vorstöuig wies de mit chind söu loufe. Wöu vorhär hätti o de mis Gäud u muess uf niemer usser uf meh luege u plötzlech hani kei oder fasch kei Gäud meh aber sött no e Familie "düreringe". E gloube das chönnt eg nid. Wär für me e z krassi umstöuig
13.12.11 12:34
livipivi

nicht registriert

 Re: Alles, was nichts mit Hochzeit zu tun hat ;-)

naja Angiyves- das find ich ned zwingend immer so- es git mengisch es paar Sache wo mer mit berücksichtige mues- ich würd jetzt nie weniger zahle nur well ich weniger verdiene- er het na e Tochter wo er mues zahle und das isch für mich selbstverständlich das ich ned au na det me vo ihm verlange

Und schlussendlich mues es ja eifach für d Partner stimme- also wenns für eu (Angiyves und Trinidattli) so am beste isch - denn isch doch super- blöder wärs wenn eine vo eurne Partner anderer Asicht wär

Mir sind aber nur wege dem ned weniger es Team als wenn mier jetzt zämä es Konto hettet und ebe- wenns hart uf hart chunt helfed mir ja enand au us- aber ich würdi nie welle das er mir was zahlt und ich s ihm ned würdi zrug geh, das chämt gar ned id tütä solang ich na 100% schaffe- hani au schulde bi mim maa- (was ich ja au ha bi dem doofe lohn da) aber er stresst mich natürlich ned und seit ich gib ihms eifach wenns mal drin liet.

Hand in Hand... ein Leben lang, seit dem 07.05.2011

Zuletzt bearbeitet am 13.12.11 12:38
13.12.11 12:48
trinidattli  		Re: Alles, was nichts mit Hochzeit zu tun hat ;-)

@ livipivi do bini genau dinerer Meinig, es muess für jede stimme so wien ers macht. Und s wichtigschte isch doch dass beidi chöi dehinger stoh. Eg wetti ou niemer verurteile, söus jede mache wies für ihn stimmt. und für üs stimmts eso mitemene gmeinsame Konto. Weiss aber nid ganz werum du ufd idee chunnsch, dass eine vo üsne Partner anderer asicht sötti si?
 1 .. 103 .. 203 204 205 206 207 .. 464 .. 720
Ehefrau   livipivi   natürlich   brauchen   Forever   kirchlich   überglücklichi   September   Nimbini   Hochzeit   richtig   Oktober   Tomorrow   Angiyves   Traumtag   einfach   schaffe   eigentlich   HEIRATEN   Proeschu