@Nimbini

Hoooooooooooooiiiiiiiiiiii

Schön, händ ehr schöni Ferie gha!
Das met dinere Bronchitis tönt jo ned wörkli toll.... wenn ich so blöd döf froge: was esch denn de Unterschied zwöschet Bronchitis ond emene "normale" Hueste?
Besch du secher, dass du morn scho weder wotsch go schaffe? Meinsch ned, es wäri besser, wennd dasmol wörkli alles rechtig uskuriere duesch? Ond wieso ged de der Hormontablette?
Aber of all Fäll: Gueti Besserig!

@proeschu au hoooooiiii

hm de unterschied zwüsched bronchitis und eme normale hueschte? gueti frag... ich glaube, bronchitis isch eifach e stärkeri form, sprich, ich han nöd nur en reizhueschte, sondern es chunnt tüüf us de bronchie, verbunde mit schmerze im bruschtchorb, i de nacht bini am röchle, es chan no fieber etc dezue cho.... und en normale hueschte isch ja amigs eifach nur hueschte ohni grossi schmerze, nöd? aber fieber etc hani das mal nöd, han eifach de hueschte wo vo tüüf innechunnt, sogar wänni muess lache, ändets ime hueschteafall

min arzt hät gmeint, viel mache chani nöd degäge, seig jetzt eifach päch... und ebe, fühle mich suscht ebe eigentlich guet! tuen mich jetzt hüt chli schone, sportlichi aktivitäte sind leider momentan au tabu und tuen brav mini medis schlucke....

das mit de hormontablette hani au nöd ganz tscheggt, han aber de bipackzettel gläse und det staht, dass es irgend es hormon isch, wo vo de niere bildet wird und dass das bi mir grad chli schwach muess si und die mich wieder sötted ufpäppele und mir hälfe, die ganze nährstoff etc wieder ufbaue...

wie gahts dir? han gläse, bisch au nöd 100% fit?!

lg

@proeschu, oh je, bisch dänn bim arzt gsi? das tönt scho au nach eme virus bi dir... ohreweh isch ja au nöd so toll! ich han s'gfühl, sit eme zytli haltet sich die erkrankige rächt hartnäckig, ich ghöre immer wieder, dass d'lüüt chrank sind, wo suscht sälte öppis händ.... ich han im normalfall au nur ei grippe oder erkältig im jahr und dänn isch es dure bi mir.... mega müehsam! aber wänn schliim bim hueschte mitchunnt, isch das glaubs nöd so schlächt, das heisst, dass es sich tuet löse....

wünsche dir uf all fäll au ganz gueti besserig! bisch am schaffe? hm stimmt, ag hät ja glaubs nöd frei hüt, gäll!

@proeschu, haha aber mir go säge, ich söll mich schone und sälber au chrank go schaffe gah aber de halbi tag gaht ja no, dänn häsch es ja scho bald gschafft.... ja gäll, das isch so en ratteschwanz, es chunnt öppis und dänn immer meh.... ich gange halt no relativ gli zum arzt, so nach drü täg, wänns nöd besser isch... wil ich weiss, dass es bi mir suscht nüme weggaht ohni medis.... aber min arzt hät scho gmeint, er gsechi mich ja würklich gern, aber langsam seigs grad chli viel

na ja, allzu viel chömer nöd mache, isch ja fiirtag und das wo lärm macht, mached mer dänn am samschtig, aber mal s'dach und wändli montiere vo eusem pavillon, das chömer, dänn gsehts au scho chli besser us dusse.... und det hilf ich scho mit ,das chan er nöd allei... müend eus sowieso no was überlege, mir händ e riesigi terrasse mit 55qm und jetzt händ die eus letscht jahr hüser vorne anebaut und die gsehnd eus gnau druf und mir bruched jetzt irgend en sichtschutz, voll müehsam....

@proeschu, haha ja genau, das sind ebe gnau die rächte, sälber ratschäg gäh und sich nöd dra halte

ich bin ebe nöd so fan vo dene tujas, aber min maa möchti au gern tujas! ich hetti gern bambus, aber das git so e sauerei, händ scho mal zwei gha! han ebe so en geile brunne gseh, mit eme buddha-chopf und ich würdi de gern chaufe und hinedra drü grossi bambus und dänn müessted mer für links und rächts eus no was überlege... han mim nachbar mal bscheid gäh, er söll cho go luege, sie händ die glich terrasse und er hät ebe es paar bluemeläde i de umgäbig, isch au euse hochzytsflorist gsi und er hät immer so gueti idee.... eusi palme sind ebe de winter dummerwiis au igange, wils eifach so lang so chalt gsi isch.... aber ich hett eigentlich scho gern wieder zwei neui.... hach es isch die qual der wahl...

ja die neue hüser sind so zwei-stöckig und händ feschter zu eusere terrasse ane... also wänn meh sitzt, gseht meh nüt, aber bim stah ebe scho, nervt mich mega....

@nimbini & proeschu

ich chan euch nahfühle, ich han woni no graucht han jedes jahr en bronchitis gha, voll ätzend! ich bin oft demit is dampfbad oder id biosauna wenns nüm akut gsi isch, hät mr immer rächt ghulfe....oder eifach wasser mit meersalz drin inhaliere....vo sache mit menthol drin (badezuesatz, inhalationstablette) muessi allerdings strikt abrate, hani gmacht wo min schnugg mit sine jungs unterwägs gsi isch zum eusi verlobig fiire und dänn richtig guet atrunke bi mir im notfall glandet isch, wo ich mich han ilifere lah wäg atemproblem. er hät dänn uf mim spitalbett näb mir pennt mit ere mega fahne und hät de ganz notfall zäme gschnarcht