danke viel mol..

nicht registriert

Hallo zusammen an die, die mich noch kennen...
Melde mich auch mal wieder!
Wohne seit 2 tagen in der neuen wohnung, der umzug war stressig, bin fix und fertig!
Ich arbeite ja nur noch 50% aber der rest war ich nur mit dem umzug beschäftigt! Kartons packen, grümpeln, entsorgen, neue möbel einkaufen, putzen... Jetzt auspacken, dekorieren und wieder putzen! Meine kleine strampelt wie wild, wenn es ihr zu viel wird!
Hatte die letzten tage voll die krise!! Meine gefühle fuhren achterbahn! Habe am freitag nur geweint, ich hänge so an der alten wohnung. Wir waren 7 jahre dort, war unsere erste gemeinsame wohnung. Sniff, es sind sooo viele errinnerungen in diesen räumen! Hatte auf einmal angstzustände, mir wurde bewusst, dass sich jetzt alles ändert! Die kleine kommt bald, hatte angst ich packe das nicht etc! Oh mann, wieso sind so viel schwangere immer so rosarot eingestellt? Es ist nicht alles immer rosig! Das sagt niemand... Tja, ich bin ehrlich und sage euch: eine schwangerschaft ist nicht immer schön und zum lachen!! Und liebe werdende und wollende mütter: kein umzug in der schwangerschaft!!!
Wenn alles in der wohnung seinen platz gefunden hat, dann geht es mir sicher wieder besser und freue mich auf meine neue aufgabe...
Ich hoffe euch allen geht es gut, freue mich auf den nov ein paar von euch zu sehen!

Bis bald!

Lg, dia

@dia, oh je, das tönt ja gar nöd guet bi dir! lass dich gaaanz fescht drucke! kopf hoch, das chunnt scho guet! isch villicht momentan eifach chli viel für dini hormon..... nimms chli gmüetlich, schalt en gang zrugg, mach eis ums andere und lahn dich nöd stresse..... die angstgfühl beträffend schwangerschaft und zuekunft chani voll und ganz verstah! ich muess nöd emal schwanger si und han extrem angscht devor..... isch villicht mit en grund, wieso ich momentan d'chinderplanig bis auf weiteres uf iis gleit han.....

bi mir gahts momentan au chli drunter und drüber! dehei, im gschäft hani kündt, am fritig hani no en autounfall gha..... was ab januar lauft, weiss ich au nöd.... aber ja.... es isch es jahr vo de veränderig, das hani relativ schnäll gmerkt und bi mir trifft das voll und ganz zue! aber ich säge immer, de mänsch hät nur soviel stei im rucksack, wie er mag träge.... meh werdeds nie... und darum träged mer au das rucksäckli witer durch s'läbe....

lg
nimbini

@proeschu, du min chef in london hät eigentlich no verständnis gha, aber er findets schad, dass ich gange und er hät nöd dänkt, dass ich jetzt scho künde.... sie vom HR isch geil gsi... hät d"ärm usbreitet woni inecho bin und gseit "beeeellla, äääändlich, warte scho de ganz tag uf dich... gib de fötzel ane, ich unterschriebe..... gratuliere, s'beschte wo chasch mache" und das vom HR, eigetnlich tragisch.... mit mim ex-chef hani au scho telefoniert, gönd morn mal zäme go ässe, mal gügsle, was er so meint..... ich bin aber froh, hani kündt, tscheggs zwar nonig... ja weisch, ich dänke, sobald ich dänn de flug buecht han für de januar oder en neue job unter dach und fach han für de februar, wird ich wieder chli ruhiger, wänn eifach weiss, ws gnau lauft.... so hanis ebe nöd so gern! aber warte ebe no uf feedback vo mim maa, was mir wiehnacht/neujahr jetzt gnau wänd mache... und solang chani mini flüg etc nonig bueche.....

wägem autounfall, eso en gschissne velofahrer isch mit vollem tempo i mini bifahrertüre inegfahre, wo ich han welle rechts in parkplatz ine.... er isch uf em trottoir gfahre! bin aber froh, dass ihm nüt passiert isch... han eifach en mega schock gha und mini aishwarya (jaaaa mis bollywood-autöli *g*) isch jetzt chli lädiert... s'schisst mich eifach so mega a, wil ich jetz de ganzi ufwand han... und wänns dumm lauft, muessi no selbstbehalt zahle... wobi ebe, ich würdi säge, er isch de hauptschuldig, aber er findet natürlich, ihn trifft kei schuld... aber das sölled d'versicherige unter sich usmache, um das magi mich nöd au no kümmere.....

@proeschu, also ich han meüsse lache, ich find sie e geili frau! aber ja, isch scho tragisch, wänn alli verständnis händ, wänn öpper kündet... aber ebe, es zeigt mer, dass ich die richtig entscheidig troffe han.....

ah würklich? dänn häsch du nüt müesse zahle? das macht mer jetzt also grad chli hoffnig... wil ich bin hüt au nomal go luege.... ich han det gar nöd schnäll chönne fahre, wil ich rechts und grad nomal rechts abboge bin, dänn isch es no e 30er zone und dänn häts no en fuessgänger, woni drüber gfahre bin und de isch so erhöht, also wie es hindernis, dass gar nöd schnäll drüber chasch.. zudem isch morge am 8.30 gsi vor ere bäckerei, da häts immer viel fuessgänger und da fahri ja nöd wie e sau... läck bin rächt verschrocke, wos uf eimal klöpft hät.... aber ebe, de ganzi ufwand isch eifach scheisse und mini aishwarya (das spricht meh eso us: eischwaria *g*) gseht nöd so schön us momentan aber ja, solangs nur en blechschade isch,g ahts ja no gäll...

danke, bisch en schatz! es chunnt scho alles guet... schicke die wuche mal mis dossier chli ume und eigentlich bini ja sehr zueversichtlich, dass ich was neus finde für de februar, han ja au no chli zyt.....

hihi dia, han mich au grad gfrögt, wieso du hochdütsch schriebsch, das isch so gar nöd dia-like

ja isch echt scheisse mit dem unfall, das hett nöd au no müesse si! guet im schlimmste fall muess ich eifach de selbstbehalt zahle, aber ich hoff mal, dass d'versicherige au gsehnd, dass er schuld gsi isch.... aber vermuetlich laufts drus use, dass ich au teilschuldig bin... na ja, mir werdeds gseh... ich übergibs dänn de rechtschutzversicherig, für öppis zahledl mer das züügs ja... mag mich nöd au no mit dem umeschlah.....

beträffend kündigung, s'isch mer gar nonig so bewusst, zumal ich ebe nöd weiss, was nachher lauft! mit mim ex-chef hani egientlich abgmacht, zum über vegas z'rede und nöd über de job

ou nei, zwei mönät doppleti mieti? so en seich! ich druck eu de duume, dass ihr bald en nachmieter findet und villicht nur no ein monat oder en halbe müend zahle.....

lg
nimbini