Bei mir ist es auch eher so, dass die Zeit nicht vorbei geht. Es geht noch 2.5 Monate, aber ich wäre jetzt schon bereit. Alles organisiert, alles da

Hallöchen zusammen

Mein Schatz und ich heiraten diesen Montag zivil und Samstag darauf (5.7.08) kirchlich. Eigentlich dachten wir das zivile sei für uns doch ich freue mich riesig darauf, und von der kirchlichen Trauung will ich gar nicht anfangen (hoffentlich haben wir schönes Wetter)!

Wir sind mit unserer Planung etwas in Verzug geraten, darum haben wir immer noch gewisse Kleinigkeiten zu erledigen. im Moment sind wir total gestresst und freuen uns wenn es dann endlich soweit ist und wir den Tag geniessen können!

Aber ich frage mich auch, es wird mir bestimmt etwas fehlen nach der Hochzeit. Denn bei uns gibt es im Moment kein anderes Thema.

So liebe Bräute, ich wünsche euch noch eine tolle Vorbereitungszeit, geniessen wir es, denn bald sind wir keine Bräute mehr sondern Ehefrauen!!!!

@ anouk

Liebe anouk, ich wünsche euch einen wunderschönen Tag morgen, geniesst jeden einzelnen Moment!!!

Liebe Grüsse

nicht registriert

Hallo

@nordliecht
Hey, mer send ou settem 6.6. zivil verhürotet, s'Kirchlich esch aber chli gliiner als be üch, am 26. Juli. Be froh ged's no anderi wo met denen 2 Termin chli meh usenand leggid. Üs hend emmer alli anzündet worom be üs fascht 2 Monate dezwösche legge. Ech fend's no guet so, hedmer weder chli Ruhe vorem grosse Termin ond cha nochli organisiere ond chli usruhen.

@anouk
Hey, es super Wetter sett's gäh! De 28. Juni hend mer ou mol förs Kirchliche agluegt gha. Well de Pfarrer aber de ide Ferien esch, hemmer mösse ofe 26. Juli go. Ha dänkt am 28.6. esches zo 99% schön, well mer am Tag nochhär üses Vereinspicknick hend ond am Picknick esch's die letsche Johr emmer super schön gsi. Voilà - ond so esches!

Ha aber emmer dänkt oje, wenn's am 28.6. de wörkli schön esch ond am 26.7. de deför ned, de röits mi de .... aber ebe, moss näh wie's chond. Mages üch vo Härze gönne dass d'Sonne werd schiine. Wönsche üch en ganz en herrlich, schöne Hochzigstag, alles Gueti!

Ech moss mer mol en Aufstellung mache was alles vo Pendenze scho erledigt send, ned dass ech no öbis vergisse. Lade mer mol so Hochzigschecklisten vom Internet abe ond do vergliiche. Ha chli Horror devo, dass ech am Hochzigstag feststelle, dass ech irgendöbis vergässe ha.
Tischkärtli ond Ansteckerli hani parat. Moss jetzt no es Symbol för d'Chele bastle. De Pfarrer hed gmeint es wär schön es Symbol zo üsem Hochzigsmotto zha. Mol luege öb mer min Maa hilft. Er hed söscht no fast nüd gholfe organisiere. Er sett jetzt no sini Schuhe kaufen, en Aushilf för zom Melken organisiere (super gli dra he!), de Wii bestellen (toll, hoffe es mag noche) ond ond ond... d'Manne läbe emmer nochem Motto "es länget no, was hesch ou". Super, es god aber nor no 29 Täg! Glaube de Wii bestelli grad selber.

LG
Pluto


* Wir heiraten am 26. Juli 2008 *

hallo zäme...

ha eych nur schneu wellä verzellä das miär äs suuuupär schens fäscht gha hend! dä tag isch verbey grasäd wiä neyd! hend top wätter gha und auäs hed eifach gstummä!
gniässids de eifach, äs isch sonä langi vorbereitigszeyt und pletzlich ischs de eifach durä!
miär fräid eys etz ufd feriä und wärdids zämä gniässä ohni epis miässä z organisiärä...
hends guät und liäbi griäss, anouk