Sali zämme

Mir hürote am 19. Dezember zivil und nächst Johr am 22. August 2009 kirchlich. I freu mi au meeeeeeeeeeeeeeeeeeeeeeeeeeeeeeeeeeeeeeeeeeega. und chas chum erwarte wäge Chleider goh luege!

Hey izzy

Das wünsch i Dir au und i freu mi scho vieli Tipps mit euch allne usztusche!

Lg surri

Hallo zämme

Mir hürate am 12.09.09 kirchlich, s'Datum für's Zivile hei mer no nid, aber es wird öppe 1 Wuche vorher si.

Restaurant hei mer scho, mi Troum sit Ching geit i Erfüllig: Mir fiire ufeme Schloss . Hei mega Glück gha dass de Termin no frei isch, 2 Päärli hei scho druf gwartet dass mir würe absäge (hoffe niemmer vo euch).

Kappelle hei mer ou scho, jetzt si mer am luege wege Apéro Location und de lö mir üs de wieder chli Zyt.

Wiiterhin viu Spass euch aune bim organisiere, bi gspannt was aus so louft

Liäbe Gruess
Sevilla09

Hallo zäme!

@ Sevilla09
So schön, du hüratisch a mim Geburtstag und z schöne isch - denn isches meischtens schöns Wätter! ömu söfu wini mi cha erinnere!

@alle
I ha geschter grad der Termini für z Brutchleid-Probiere abgmacht (zwar ersch im Novämber) aber i fröie mi scho extrem!
Nächscht Ziischti heimer z erschte Träffe mit üsne Trouzüge (mim Schatz si Brüetsch het scho angscht gha är dörf de gar nüt mache, derbi heimer nume fängs d Chiuche und z Restaurant reserviert. I fröie mi extrem uf dä abe.
Z tolle isch, dass mini Trouzügin ou ändlech ä Hürats-Atrag het becho (fäggt grad viu meh mit ihre über das z rede, si isch grad ganz angers derbi aus vorhär! Und no z bessere isch, dass ig de ihri Trouzügin cha sy :-D )

Wünsche öich viu spass bim plane und treume vo öiem grosse Tag!

Liebi Grüess
NaRu


Mir troue üs am 06.06.2009