Hey Lus,

i bi grad sprochlos gsi wo i da glese ha.... Also min Vorschlag legsch en Herdöpfel Sack a, (en lange natürli) den gseht mer dini Figur gar ned und er isch au ned tür, frogsch dini Schwögeri nach ihrem Zyklus damit ehr jo s richtige Datum hend und denn lohsch Sie no zuäsätzli no eui Hochzit plane dämits Ihre au gfallt...

übrigens statt ab nehm i zuä, i ha mis Chleid aprobiert, und i ha weder uf min Buch no uf mini dicke Arme gluäget

Zuletzt bearbeitet am 30.12.12 18:34

Hallo zämmä

I meld mi au mol wieder. Also was sich gwüssi lüt usä nammä isch echt eifach nur ä vrdammti Frächheit. Hejo klar es sind alli Fraue nur 56kg licht und wenn mä den no schwanger isch muess alles nachem grind vo miss diva goh... I kenn das problem chli. Mi schatz het vier schwösterä und jedi meint SIE isch no chli wichtiger als alli anderä. Aber gratuliert het mir kei einzigi richtig. Imenä schöne brutchleid gseht ä dürrs klappergstell nach garnüt us. Ich finds mega schad wenn ä frau keini wieblichekurve het...

Und wegem jäggli: ich ha ä stola kauft weis aber nit öb das sone gueti idee isch gsi

Mädels, i wünsch eu en guäte Rutsch is neue Johr....

2013 wird üses Johr....

Eg wönsche euch aune es guets nöis Jahr...
Yes üses Jahr

Hallo mädels

Ig wünsch au allne e wunderschöns und vorallem ganz imzeiche vo eusne hochzyte stohende 2013. wie scho gseit, es wird euses Joohr.. Viel glück, gsundheit und ganz viel Liebi

So ig glaub dank es paar updates gohts jetzt au, dass meh vom ipad us cha föteli uflade.... Ig probiers mol...

Zerst si mini schuh fürs zivile cho. Vo light in the box. Bi echt begeisteret. Si passe perfekt! Denn no dr passendi hoorschmuck...

Datei-Anhänge

	image.jpg (56x) Mime-Type: image/jpeg, 40 kB
	image.jpg (45x) Mime-Type: image/jpeg, 32 kB
	image.jpg (24x) Mime-Type: image/jpeg, 44 kB