Liebi Brütlis

Bin hüt mit minere Trauzügin a dä Hochziitsmäss z Züri gsi und es isch dä hammer gsi !!! die wo also morn gönd chönd sich uf öpis freue und unbedingt t modeschau aluege ... bin ja mit mim gg scho mal a einere gsi, ime andere kanton, aber das chamer mit züri nöd vergliche viel spass däne wo gönd ... und liebe gruess

Hoi zämä

Es het hie ja ou etlechi Berner Brüütlis drbi. Wer heit Dir aus DJ? Mir si ebe gad uf dr Suechi nach öberem u das gstautet sech schwieriger aus erwartet.

@ Lula: Mer hei e Kolleg wo chli DJ macht, cha dr somit o ned witerheufe..u we de fellech mau amne fescht oder ire disco nachem dj fragsch?

Ja mer mache etz es paar Chärtli met em Text wen dasmer hürotä. Die meischte wo das gseit hei si färni verwanti wo vo wit weg chömme. Meischtens o chli euteri. Mis Mami het gseit bi ihnä sig das o gang u gäb gsi sörigi chärtli...Wesi grad so derna frage düemer doch gärn es chärtli schicke .

@Lus: Das tönt doch wunderbar die Ichouf. Esch scho e spezieue Moment :-).

@Ungerwösch: Ha ergendwie bim öberflüge das Thema gse. E gloube bi mim Chleid brüchtis ned, aber eg wott glich öppis drunger ha...Go nöchscht Fritig mau chli go schnöiggä...Wird aber eher öppis bequems gä, wiu mi isch ja de ganz Tag dinne.

Eg ha höt per Zuefau miner Schue gfunge...Het grad weder Hüenerhuut gä woni im Brutmodelade gstange be.
Nöchschte Mittwuch chani no zur Trachteschniderä go e neuii Schürze useläse......Uii eg frööie mi.

Grüessli
ma84ma

@Lilly4
Mir si hüt au a der Hochzitsmess gsi und mir heis au der hammer gfunde. dUssteller si alli uf ein zue cho und hei dir irgendöpis id Händ druckt E huffe Wettbewerb hei mir chöne mitmache, Idee sammle und swichtigste: Mir hei euseri Hochzitsring bstellt
Bi soooo froh chöne mir de Poste abhöckle und freue mi riesig wenn i se cha go abhole.
Hesch recht, die Modeschau isch mega gsi... die glitzerige Chleider si de Wahnsinn gsi
Wünsche au allne ganz viel Spass wo morn göh!

Hochzitsmess: Ohhh das tönt aber super, merci freu mi scho riesig uf morn

ou cool de freui mi aber ofd mess morn! ou lucy so coolhender euchi reng gfonde det? hammer! hoffe au dass mer morn so vell glöck hend und det öpis fende!