aso wegem verlobigsring werdi wahrschinli denn a de rechte händ träge mues de no luege..
ha suscht no anderi 2 ring ah hehehe.. hedd denn 4 ring ah..

jööö Lilly voll süess min schatz hed au min rot welle und dasi med gange...
er hed sich zwei schöni azüg uf mass mache loh bimene schnider woner au scho früher azüg gmacht hed...

:D send echt schön wurde..


jaa weg de iladige
hed echt ned denkt das es paar so reagieret :) mal luege die andere..

hüt werdis mal im gschäft veröffentliche, mal luege wie d reaktione send

@lilly
min isch au i mim Brutmodegschäft goh dr azug chaufe will, 1. het er 10 % becho und 2. bi ig au soo zfriede gsi mir dr Berotig... Er isch mit sim TZ gange, het zwar gärn müsli gspielt bi dene zwoi aber egal ( schins hei si d Verkäuferin chli in verlegeheit brocht...)

@emma
mir maches au so gseh eus erst bi dr Trauuig.. Find das halt au soo romantisch und denn ischs halt so richtig wie es übergeh dur mi papi..
au bim zivile gseh mir eus vorher nid, guet drazug für dört chaufe mir vermuetlich scho zämmä, aber er wett mi nid gseh vorher... mach mi denn bi mine Eltere vermuetlich parad oder dahei und mi schwöschter chunnt denn...

jo womers grad vom "ned gseh vor der hochzit" hend. wie werdet ehr das regle? wer fahrt euche frönd ond wer fahrt euch? i weiss dass secher 1 vo eusne mami vor ort werd si ond werd d gäst ond d musiker ond so in empfang ne. ond da i jo metem schwegervater wet före laufe fahri jo am beschte met ehm, jedoch denki ned dass er ideal esch zom mer helfe s chleid azlegge. de bruchti de weder e frau.. oh gott. so kompliziert

stemmt
aber de muss de frönd vo minere TZ extra si zersch zo mer fahre und min schwiva muss zersch mini schwimuu ade location absetze ond denn eus abhole! äh egal die mönd das mache för mech

oke grad nomol e frog hendenoche, wenn i grad so tolli anwtorte bechome
wie vell vorher gönd ehr zom coiffeur? i werde dehai öpe am 14.30 müsse abfahre om pönktlich bide trauuig zsi. jetzt frogi mi wenni sell zom coiffeur go. z frühe wetti ned. well de muesi mi frönd de usem huus tschutte. und i hocke no ewigs lang dehai ome ond warte bes es los goht. z spoht wetti au ned, welli de ine stress chome...
wie machet ehr das?

jo es esch scho chli en omweg, förd TZ ned eso, aber före schwiva. aber ebe.. si mönd eifach

emma, de nemmsch du scho am 8.30 absched vo dim frönd? i froge mi de halt eifach wass er denn so lang macht! bi sim TZ omelongere? :)

muss mol d familie froge wie si das denkt hend. wel i wet möglichscht lang mi frönd om mech ha! so kompliziert
und wie funktioniert das eigentli de bide trauuig! wer geht det s komando de musig dass si sele afo? de muss jo öper hin ond her sprenge ond alli froge ob si ready send? oder wie lauft das? be au scho anere HZ gsi wod brut scho ine glaufe cho esch wod lüt nonid mol recht abghocket send. da wetti denn ned!