lus da metem songtext esch e cooli idee! i fende aber das s einte (wetzig) s andere (romantisch) ned usschlüsst. hamer em fall au scho öberleid obi de ganz liedtext vo eusem lied sell drocke, wells d lüt sosch ned tschegget wiso das jetzt das vore uf english stoht und was es bedütet.
hend au kei HP, ond muss mer au no überlegge obi all die infos id iladig wett packe oder das ergendwie seprata wet löse. weisch obi eifach elei d iladige sell schecke ond de 1mt vor de HZ no en afahrtsplan etc.! naja mol luege, pressiert nonid akut bimer ;)

Dur das dass mir ä zweisprachigi Charte hend, werdemer d Titelsite einheitlich ha mit Näme + Datum, di link Innesite en Standardtext uf Dütsch, di recht Innesite en Standardtext uf Italienisch und d Rücksite mite Afahrt etc. isch no schwierig ufere 2-sprachige Charte mit Sprüch z'schaffe vorallem uf de Titelsite, werdet meh mitem Layout schaffe, nimmt mi Wunder wie sie wird, bin scho flissig am Idee sammle:)

Hallo ihr liebe :)

Ich bin ganz neu da, han am 1.1.13 min unerwartete aber lang ersehnte Atrag übercho Bin scho voll am Plane, s Datum und t Location staht au scho fest :) Han aber no viel offni Fragi und wür uh gern mit eu mitschriebe weni derf?

Liebs Grüessli

Katja

nicht registriert

Hei Katja
Härzlech Willkomme und härzlechi Gratulation!
Isch es schöns Gfüeu, so verlobt ds si gäu
Wenn weiter de hürate und vo welere Region chömmet dir?

Danke eu! :)

Lus
Ja es isch es super Gfühl ich freu mich scho soo drufe mir chömed vom Obere Zürisee. Hürate tüemer am 10. August ufem Gut Bocken in Horgen Ihr sind vo Bern oder so nimi ah? So em Dialekt na z beurteile :P

Elea

Danke! :) Also wo und wenn mer hüratet staht ja i mim Kommentar chli wieter obe :) gad nach dim :) Viel hani nonig organisiert abgseh vo de Location, han aber eh genaui Vorstellig devo wasi will :) Mir wend au im freie Traue, aber erst so geg die 22.00 Uhr, im Cherzeschii.. Aber das wird alles so tüür, heti nie denkt!