uiui mädels, jetzt muessi au mal chli dampf ablah, bin mich grad mega am ufrege! mir händ letscht jahr im schloss euses apero reserviert, im april 2012 und hürate tüemer im auguscht 2013 und die schriebet mir jetzt dass a eusem tag au no es bruutpaar det wird si, dass mir bi schlechtwetter nöd det chönd si wie ursprünglich besproche sondern ine andere ruum müend, will s andere bruutpaar anschinend scho vor eus reserviert hät, was für mich sehr schwer z glaube isch, da mir ja extra im april reserviert händ, mehrmals hi und her gschriebe und nie öpis erwähnt worde isch + mir das alles sogar schriftlich bestätigt übercho händ! han jetzt gseit das ich das belegt ha wot vom andere bruutpaar! das isch doch umverschämt!!!! macht mi au grad uh trurig !!!!

@manokasa, das langet no hondermol zom es chleid finde! ond ned jedes chleid het so langi lieferfrischte! i has mis chleid nach 4woche scho chöne go hole! aso mach der kei chopf!

ou lilly das esch jo en resse scheiss!!!
absäge chont ned i froge? fendes nämli en reese frächheit!!!

gäll elea, finds ebe au e meeeeeeeeega e frechheit !!!! vorallem da mir ja extra im april letscht jahr reserviert händ und au bestätigt übercho !!! die händ doch eifach en fehler gmacht und mir müend jetzt däfür büesse ... ich mach sicher kei platz, söllet mir das schön bewiese, au wenns uh blöd isch, aber wot nöd eifach kampflos dä platz ruume ... findi uh mega blöd, uiui, wie ich mich grad am ufrege bin !!!! und trurig machts mi natürli au

nicht registriert

@Lilly
Hei das isch ja e absoluti Frächheit vo dene! Si hätte ja chönne säge dass no es anders Brutpaar dete isch - vo Afang ah! De hättet dir wahrschindlech erscht gar nid reserviert dete!
U wie du vermuetisch - ev. isch ds andere Paar NACH euch cho. U de findis fies vom Schloss, die Reservation überhaupt aznäh. Si sötte ja ou wüsse, dass mer als Brut nid grad are andere Brut in Wiss wett begägne... fies
I würd mi versueche z wehre und andernfalls haut fürne Alternative z luege...
Seich so öppis...

Ja, das verstahni Lilly, aber so öpis isch doch überhaupt nöd professionell und vor allem dass ihr a EUEM Tag wägemene Fehler vo IHNE müend büesse, findi eifach unfair. Hesch recht, würs natürli au nöd eifach so stahlah wenns sowieso eui Wunschlocation isch. Ach isch das blöd, hesch denn scho mal aglüte oder hesch eifach es Mail übercho? Amigs merksch per Telefon ehner was gnau d Sach isch..