dänk ebe au so lus ... sie händ nöd eimal öpis vome zweite bruutpaar erwähnt, NÜD! ich dänk die händ eifach e zweiti reservierig agnoh und eus jetzt so welle verchaufe ODER mitarbeiterfehler und nöd richtig gluegt, chan au si, aber das isch mir ehrlichgseit egal, us irgendeme grund hämer ja extra so frühe reserviert, ebe gnau dass eus niemert id queri chund ... also ich gib da nöd so schnell uf und mir händ ja e bestätigung, vo dem her, sitzemer glaubs am längere hebel au wenns uh blöd isch eso, wüki en mega seich so öpis dörf nöd passiere ... mir wend ebe unbedingt det, es passt perfekt, grad nebet dä chile und i dä nöchi vom reschti, darum wot mi so wehre ... ich dänk die chönds eh nöd bewiese, darum müends eifach am andere bruutpaar absäge! bin ebe suscht immer so e ruhigi, schüchi, händs viellicht dänkt probieremers zerscht mal bi däre aber ohne mich

Manokasa zo dinere Frog vo gester, mi Schatz fendt t Reng selled vom Trouzüg öbergäh wärde ond ned vomene Rengchend oder so. Ond ech cha jo schliesslech tüemer zäme hürote ond wenn är das so gärn hät esch das au okay för mech. För mi Brüeder fendemer secher au en anderi schöni Ufgab! =)

Lilly fendi guet, eifach mal chli kontere ond nochefroge, denn chonds scho guet! Eifach dra blibe ond ned grad nochegäh!

danke canoa! das wirdi mache ... vorallem simer ja nöd grad e chlini gsellschaft (100 persone) müends scho chli luege! bin richtig enttüscht vo däne ... nimmt mi also wunder was uf mis mail zrug chund !?! hmmmmmmmm

merci emma ich gib eu bscheid was däbi use cho isch, hoffe natürlich positivs! und suscht müsstemer wüki e anderi location sueche, was mich meeeega a.... wür nei, das chönds nöd bringe, chans nöd glaube

Lilly...Hesch denn das au schreftlech metem Rum? Falls jo besch eh usem Schneider! =)
Rächtlech gseh besch denn uf de sechere Site! =)
Be also au gspannt wie en Rägescherm was do werd zrogcho zo der...

Ojee, Lilly, das esch ächt doof ond regt eim uf. Aber ech fends super, dassd di wottsch wehre. D Fuuscht im Sack mache wörd jo nüd nötze. Ech dröck der d Düüme.

No zom Thema gönstigi Bruutchleider:
Ech schaffe aus Schniideri. Ha scho die gliiche Chleider ofem Tesch gha met knapp 2000.- Franke Ondersched. Ond die gönschtiger Variante esch garantiert ke Fäuschig gsi. Aber s Wort Hochsig werd haut extrem "guet" Verchouft (ond ganz bsonders do ide Schwiiz). D Marche wo die grössere Händler wie Wicki ond co. ufnänd send waaaaahnsenn.