Canoa, be öis eschs ned ganz so. Mi Schatz onderstötzt mi eh emmer mega, bzw. macht ou vöu vo sech säuber us. Ond öise Trouzüüg esch de Hammer. Er esch ersch 20gi aber es mega Organisationstalent ond kömmeret sech om mega vöu Züüg. Ond frogt emmer noche ond so.

Emma13, mer hends so chli äähnlech. Aso normau 2 Tröuzüüge ond de no mini ander Schwöschter ond im Schatz sini Schwöschter quasi aus Tafelmajore. So semmer z sächste quasi es Hochsigs-OK.

Ech weiss wo Reide esch, ha zwöi Johr z Dagmerselle gwohnt, mi Schatz esch vo det! =) Lostig! =) Ech chome au vom Kt. Lozärn! =) Merkt mer jo am läse ah! =)

Nei nei, ech ha dech ned fasch verstande, ha werklech vöu schlächts öber de Wicky ghört, vellecht hed die be mer ned so trouet, welli gseid ha wasi wot ond was ned! =)

Also mer send au es 6er OK! =) Mer hend aus Täschtmeister es Päärli ond die send de Hammer! =) Mi Frönd weiss äbe be mer dassi das gärn mache, lit halt am Bruef, als Diräktionsassistäntin muessmer/darfmer vöu so züg organisiere! =) Ond är macht das ned so gärn, aber förs Outo do luegt är, do hani nüt zsäge ond das werd au en Öberraschig! Jupppiiiiii! =)

Elea demfall au vo dem Gebiet?

Ech ha en älteri Verchäuferin gha, die hends werklech super gmacht. Aber ech ha au super lüt debi gha, mis Mami ond mini Schwöschter wo total ehrlech gseh send ond wo mech total guet könned! =)

Mis Chleid esch au onder 1800.00 gseh! =)

Ah so cool, elea, ech werde zemmli secher am Schlompfball sii. Obwou mi s Fasanchtsfieber noni so packt het. Ech näie ebbe vorwiegend Fasnachtschleider. Ond nochem Ändspurt fohts emmer scho weder ah. Mer send auso ou zMettst im Sommer am Fasnachtschleider näihe ond drom esch mer Fasnacht fascht chli verleidet. D Chleider notürli ned. Das machi met Liib ond Seel.

Canoa, öbers Fahrzüüg macht sech keis vo öis gärn Gedanke... mer send eifach so gaaaar ned a Outos intressiert. Ech be öberzüügti ÖV-Benötzeri. Mou luege, wahrschiinli nämmer es stenknormaus Outo ond chli Blueme vornedruuf. Fertig. Aso die 10 Minute im Outo intressiere mi öberhoupt ned ond ech gseh ned ih, för das Gäud uszgäh...