chaufet ihr Brutschueh oder normali Schueh? Ich bin chli ufde Homepage vo verasposa am luege, sie hend wunderschöni Brutschueh und nödemal so tür... wüsset ihr ob Elsa Coloured Shoes au zude super bequeme Rainbows ghöret?

Hmm ech ha mini Schuhe vom Zalando, hend zwar au mega vell kostet aber ech ha druf gluegt dassi bequem send ond us läder! =)

Also isch de Trend scho ehner online chaufe :)

Die wo ich gseh han sind us Satin... isch Leder bequemer?

ui chaufed ihr schuä all online? also ich hans im brutladä kauf, det hanis au chönä aprobiärä und chans nacher au schwarz ifärbe lah wänis nömä bruch. wär mir jetzt ächli z riskant online.

s chleid hani online aber d schuä nöd. :-) mir sind scho all unterschiedlich. :-)

valey was isch dän mit dinärä bridesmaids gnau? hans so halbä mitübercho. aber han nöd mitübercho dass grad so krach häsch dass sie nömä am fäst wetsch ha.

meinsch nöd au sie mäldet sich vilicht gar nöd ah?

Mona,

sie isch ebe en arbetskollegin vo mir.. ab und zue machemer au was zeme und i ha sie de mal gfrogt ob sie au welle bridesmaid sie da sie emmer gseit hed sie würds gern mache... de hed sie ja gseit

de hed sie sich gar nümm interessiert... und allgemein ned a mim züg
nur emmer ehres züg

de hed sie afoh blöd tue das sie ned well med eus kleid kaufe
sie hegi öppis anders ztue

und polterobe hed sie kei geld zum cho (ca. 300 fr ) obwohl sie en volle lohn hed und dehei wohnt und fast nüt usgeht aber emmer seit ja usgang hani geld..
und emmer denn so sache seit: scheiss ufs geld i ha gnueg

und für min polterobe hed sie kei geld..

jaa uf jede fall hed sie voll blöd toh
de hani gseit ebe das mers halt lönd

de hed sie eifach nüt eso interesse zeigt so quasi isch ehre glich wen sie jez nüt meh mues mache

i ha eifach kei lust sie debi ha, sie ladet mich au nieneds ih und interessiert sich ned

Es esch natürlech sehr doof dassi t Iladig scho becho hed. Aber ech gloub ech wörd i dim Fall eifach s Gspröch sueche ond ehrlech si, ond au säge dass dus schad fendsch etc. Ond damet du jetzt zum Schloss cho segsch, dass es der lieber wäri sie ned debi zha.
Du hesch jo secher nochli Ziit bis zum Hochzig, de esch es secher besser, das so gli wie möglech zmache, damet chli Ziit vergoht, damet sie sech denn au chli cha "beruhige"...

Wönsch der vöu Muet, Chraft...du schaffsch das ond dänk emmer dra, es esch dis/euches Fäscht ond du/ehr wetted jo nome Lüt debi ha wo euch guet tönd...