Ich find das au sehr heikel mit Chind debi ha oder nöd. Ich bin zwar no keis Mami aber ich het scho chli es Problem demit wenn mär mir wür säge, dass mis Chind nöd erwünscht isch. Es ghört zu mir und ich würs nur sehr ungern abgeh... Au ich wür idem Fall lieber nur churz verbi cho, gratuliere und halt früeh wieder gah. Das isch aber jedem selber überlah, ich denke jedes Eltereteil gseht das au andersch... mir freuet eus uf jede Fall ufd Chind ade Hochzit, obwohl mir au nöd unbedingt en Spielecke im Restaurant hend, aber es sind eusi Nichte/Neffe und ich wür nie wele das sie dihei mitere Babysitterin oder so sind...

mal ä frag, a alli wo säged s isch eltärä sach oder s chind ghört zu eim etc... mä wots dä eltärä nöd wägnäh und hät au nüt gäg diä chind.

aber gönd dänn ihr alli mit eunä chind immer furt? ich mein wän ihr mit fründä is theater gönd nämet ihr d chind mit? wänn doch irgendwo än event isch wo alles erwachseni sind isches doch au dä chind gägäüber nöd fair. däne isch ja langwilig und diä gönd doch lieber zumä gspänli go übernachtä.

@maka(oh han din ganze namä vergässe, sooorry)

ja ich hüratä idä chilä im schloss obä diä gross. :-) ja isch halt ä katholischi das stimmt aber da ich halb italo bin, bini (zumindest ufem papier) katholisch!

Mona, ich find eifach das vorallem wenns no es Baby isch, und 7 Mönet isch ja scho recht chli... denn find ich sött mär Prioritäte setze, segets Ferie, Öbige mite Kollege oder ebe halt ä Hochziit vomene Kollegepäärli, wenn Chinde nöd erwünscht sind.

Ich chan das verstah, dass mär als Paar entscheidet dass mär kei Chind am Fescht wett ha, aber denn muess mär, wie d LucyLu seit, au Absagene erwarte und respektiere.

Vorallem i eusem Fall, wo ebe d Babies/Chinde vo eusne Gschwüsterti sind, findi ghörets genauso zude Familie und es chunt halt auf ufs Alter a... aber zwüschet 7 Mönet und 2 Jahr sinds scho recht chli, da chönds doch no gar nöd bimene Gspönli übernachte... da muessmär fast en Babysitter organisiere (da ja Tanti/Onkel/Grosi au am Hochziit debi sind) ich verstahns wenn mär denn nüm so Luscht het...

Zuletzt bearbeitet am 05.02.13 15:19

Danke Mona, das überleg ich mir ebä au, es isch doch au schön fürd Eltere mal ohni Chind öpis unternäh, hät nüd mit wegnäh z'tue aber ich denke mer werdet da eh nie gleicher meinig sih, isch ja au okay. Ich find jeder söll dörfe sin Wunsch üssere, min Schatz und ich werdet ah oisem Wunsch hebe. Mir händ lang drüber gred, vorallem nachdem die erst absag Innecho isch aber damit mümer halt rechne. Mir sind überzügt das mir's richtige machet für oises Fest!