Angita, ich han en super Brutshueh bi www.verasposa.com kauft, sie sind in Dütschland und hend innerhalb vo 3 Täg glieferet, det hesch Rückgaberecht innerhalb vo 14 Täg und ich bin mir eigentli nöd ä höchi Absätz gwöhnt aber für mis Chleid hani scho eine brucht, jetz hani es paar Schuhe mit Absatz 9cm mitemene breite, feste Absatz, mega stabil, ich bin uu zfriede, müesstisch vilicht mal det luege :)

Danke au für de Tipp zum Geld-Text ide Iladig... wird das mit mim Fründ mal bespreche

Mir hend au no kei Turte, han aber scho 2, 3 Konditoreie woni weiss dasi afröge wird

i werde au 6-7cm absätz ha! dasch da woni sosch bi mine usgangsschueh au ha ond woni mi wohl füehle!

womers scho grad vode torte hend! wenn fönd er a kontakt met de konditorei ufneh! mer hürote jo i 7mönet ond i froge mi wie lang dasi sel warte? bide blueme das selbe? chani do jetzt scho verbi go (esch auä chli zfrüeh denki) oder macht me das knapp vorher?

Aso bi mir hei sie gseid 2-3 mönet längt förig,bi de blueme gangi vilicht chli frühener go gügsle

det womer torte hend mached nur 1 od 2 torte pro tag... wels nur z zweite send

drum hani gnueg frühe aglüte und termin gmacht wel ich umbedingt ehn ha welle :D

elea chasch sicher floristin frogee.. cha der ja sicher au bilder zeige :)

elea... mir hend d Floristin scho, mir isch wichtig gsi, das ich das so früeh wie möglich mit ihre han chöne aluege, au wegem Budget setze etc. Sie het mir aber guet chöne säge weli Blueme im August vorhande sind etc.

Weg de Turte wirdi sicher de Monet no d Termine abmache zum mal chöne verbi gah :)

hey nei, bald simmer mite Organisation scho dure, mär höglet immer öpis meh ab :)