nicht registriert

@lilly4
100 Lüt? I hätt gloubs Schreichrämpf
Hut ab!

@elea
Mir wärde nid id Flitterwuche gah. Mi GG und i si nid sooo d Feriegänger u ane Strand oder so würdsch ne gar nid bringe . Und da mir no e Hund hei und mir üs chum vo ihm chöi trenne, machemer eifach nachem HZ 2 Wuche daheime Ferie, mit hundetougleche Tagesusfllüg etc.

Kennsch River flows in you vom yiruma? Mir het das sooo gfalle woners eifach mit em Piano gspilt het... Ha de mau ds Lied googlet und es het e uu schöne Text. Ha itze e Teil vo däm Liedertext is Bärndütsche übersetzt und das isch itze üse Spruch für id Iladige
Mir hürate ja nume standesamtlich und hei somit kes Lied füre Izug etc. aber vilicht chani mi GG überrede und glich es Stück la loufe ufem ZA und am Abe wärde mir wahrschindlech ou ufene Musig verzichte. Mir si soo weni lüt und nid so die tanzbegeischterete, da brucheni nid äxtra e musig.. aber äbe, sag niemals nie

aso mer werde ke hochzitstanz ha! werde au sosch ke tanzflächi ha ond au ned tanze. d lieder werde det eifach während de trauuig gspellt

weisch du scho was ehr för lieder werdet ha valey?

@lus
ah jo guet wenner dehai bibet esch das met de planig eifacher ;)

jo river flows in you kenni! fendes au mega schön! mer werde aber keis piano ha sondern 2 gitarre! ha aber mol uf youtube gseh dass es met de gitarre au haaammer tönt! aber weiss ned ob euse musier freud het wenner das schwerige lied muss üebe

ha gar ned gwösst das das lied au en text het! kennes nor ohni!

eusi sproch zode hochzit werd auä si
"We could be married
And then wed be happy
Wouldn't it be nice"

dascch e textziile us eusem lied! mer liebe das lied abgöttisch ond womer vor paar woche ghört hend de seit mi frönd so "hey da passt perfekt! da muss ade hochzit cho"! :D

hamer au scho öberleid de ganz songtext ofd iladig zschribe weller wörkli so perfekt passt!
"Wouldn't it be nice if we could wake up
In the morning when the day is new
And after having spent the day together
Hold each other close the whole night through

Happy times together we've been spending
I wish that every kiss was never ending
Wouldn't it be nice "sooo perfekt

ui jez hani gnueg vode beachboys gschrebe


@valey, ohh supergirl!! dasch sooo es tolls lied! so züg gfallt mer ebe au! das send ned eso standart hochzitslieder sonders öpis speziells! fende das hammer!

valey s 2te wörd no guet passe well ehr jo ebe au no so chli disney prinzessine hend ond wends de sountrack zo aladin esch: perfekt ;)

denke zo supergirl chame super tanze! eifach eher eng ond langsam ond ned ergendwie so walzer oder so
müsstets eifach üebe

wotsch mi verarsche canoa? hihi grad gester hämers vom tanze gha. min schatz will ja unbedingt en hochziitstanzkurs machä obwohl mir fox tanze chönd. und ich han eifach gfundä das isch doch z tüür so än kurs. mä chöntet ja au gangnam style zu üsem lied machä. :-)

mir sind üs no nöd schlüssig wägem lied, ich het no gärn you raise me up vo westlife aber weiss nöd was für än tanz däzuä passt. isch au keis typisches hochziitsliäd ich weiss

Die Tanzkörs wo mer agluegt hend send imfall gar ned so tür...250 CHF pro Paar för 4x! Ech fende das goht no!

Nei Mona das esch mi / sine Ärnst...aber natürlech au metem passende Lied!
Mer hend äbe keis Lied...t Cousine vo mim Frönd die hend kei TK gmacht ond denn eifach e eigene Tanz gmacht...=) Fendi au wetzig! Lockeret t Stemmig chli uf!