@Lus Mega cooli Idee mit de Wegwieser.. Die föteli werde sicher mega. Ig find halt schön wenn si nid so gstellt si, sondern meh genau gseht wie luschtig s Päärli het! Bi gspannt druf!
Lus Mega cooli wegwiiser! Werdet mit au ha ade Hochziit, aber wird chli was anderes drufstah :)
Chärtli Ich han jetzt das wuchenend ahvo chärtli bastle.. Ich denks endi Februar sinds fertig, aber isch scho en mega ufwand.. Ich glaub es chunt nid mal biliger wie wenis bstellt het..
Hochziitsmässig simer au wiiter cho.. Hend eus jetzt definitiv für eh Location entschiede, s Seedam Plaza (Mona! ), BJ chleider und mis chleid fürs zivile sind bstellt und mini Candy Buffet Seckli sind au ahcho :P
s wuchenend gaht wüki immer z schnell ume mir sind am sa. no weg azüg für min schatz go luege er hät sich mal chli chöne es bild mache, aber hät sich no für nüd entschiede, ich dänk aber das wird bald mal passiere ...
@sanis: wow, isch es scho gli sowiit bi eu ich güggsle dänn nachher au mal i din thread ine bisch scho fescht ufgregt?????? du gisch dä startschuss für eus 2013 brüütlis
@valy: wür mich weg sonere blöde nuss au nöd ufrege, bringts eh nöd! hüratet ihr dänn wüki gnau am gliche tag?? und betreffend budget machts mer au chli buchweh :-/ weiss voll nöd ob das so hihaut!? gsehmer dänn:) ich han ebe nöd vom gschänk-geld welle näh, aber wenns nöd gaht, müsstemer notfalls halt bitz, isch chli en seich, aber was sölls, jetzt heissts eifach wiiterhin spare, spare spare
Manokasa findi super dass jetzt was gfunde hesch wo dir au würkli gfallt :)))
Lilly... ja es isch grad am gliche tag.. ich finds eifach chindergarte so öpper anders go säge wo nedmal en kollegin isch ja verschieb dini HZ... de mues me würkli selber es loch im kopf ha hihihi..
jaa das Budget isch halt so en sach... ich has weder müesse übertribe hihi.. mues luege woni cha spare jez hehe
@valey I würd mi ou nid ufrege, söusi doch verzeue wass si wott!!!! Mir chunnt da grad mini Schwägerin i Sinn womer gseit het, i mües de mis Hochzyt verschiebe wenn si bis denn schwanger wäri unds ihre nid guet gäng... Klare fau! Lach über so Sache S ischsech nid wärt überhoupt e gedanke a so eini z verschwände!!!
also nur e bekannti? die hät wüki en schade ... bin froh bin ich bis jetzt mit so sache erspart gsi!
eusi reaktione zu dä iladige sind sooooooooooo herzig, händ all uh freud das freud eim mega und git eim au grad so en motivations schub bin im moment grad chli am luege wie ich eusi menü chartene söll mache ... händ ihr die scho? isch zwar no chli frühe
gaht mer ähnlich valey han dänkt so chlinigkeite chaufemer eifach suscht so zwüsched dure, aber müemer amigs glich scho vom hochziits konto näh, das isch natürlich nöd so ideal und eusi fotografin isch ja ab gsprunge, jetzt hämer glich en prof. gnoh, wo eus 2'000.- choschtet, womer nöd mit i kalkuliert händ, sind halt alles so sache ... aber ich dänk das chund scho guet, händ ja no bitz ziit zum glück
Vale Ja bin au soo froh! Muss zwar jetzt mini ganz planig umplane aber egal :) Das isch ja echt chindisch mit dere Person.. Ihr sind ja nid mal kollege..
Budget Ach mir werdet sowiso drüber cho.. Mir hend eigentlich nur 6000.- welle usgeh.. Ich weiss isch nid so viel, aber mit chind chan ich nid 100% schaffe und au nüd spare... Jänu, min Papi wird jetzt de Fotograf überneh, also scho mal 2000.- weniger.. Mir werdet halt würkli um geldgschenk bitte, au wenn ich jetzt nid soo begeisteret devo bin.. Und min Fründ het gester gseit er well eh Limusine!! haha jaa super..
@Budget Also mir hei eigentlich das zämmä wo mir wei usgeh aber ig due gwüssi sache so mit em laufende Lohn zahle (deko sache etc) D Ring heis halt bitz gsprengt, drfür chauft eus di jetzt mis Mami. will aber denn nüt meh as HZ fest, aber ig kenn mini eltere. Denk meh sött sich eifach es fixes Budget setze und i dem Rahme bliebe will türer goht immer und irgendwenn ischs eifach zviel vo allem.
Ig due glich no bitz spare bis im Summer, nur für no unvorhersehbares. D Geldgschenk um s HZ zahle will ig au nid, aber es git viel wo das mache und ig find das au nid schlimm. (usser packsch grad vor de Gäst d Kärtli us und zahlsch s esse drmit)
ja scho.. i weis ned was gwüssi lüt s gfühl hend hihihi
ja sie isch eifach so eini wo ich kenne vo früher vo de arbet... chömed aber ned guet us medenand.. mer hend eifach lüt wo mer bedi halt kenned..
aber jaa.. so gwüssi lüt send ja de witz.. mached sich ja selber lächerlich..
Lilly soo schön weg de Reaktione vode Iladige.. bi eus send noni vel cho.. und hend sie jez de scho en monet verschickt.. Menü kartene beni dra am luege.. wett die uf pergament papier drucke und de so rolle und medemene Siegel zuemache und jede chunt eini über
Anmelden
), BJ chleider und mis chleid fürs zivile sind bstellt und mini Candy Buffet Seckli sind au ahcho :P
mir sind am sa.
er hät sich mal chli chöne
bisch scho fescht ufgregt??????
bin im moment grad chli am luege wie ich eusi menü
han dänkt so chlinigkeite chaufemer eifach