Nei, ich bin us Züri :) und mir hüratet am 23.5. zivil, han geschter denkt ich probiers mal ufem Standesamt und sie hend nöd mal blöd tah :)

ou weiss au nöd wie denn das mite anderne Dokument gaht, hey nei, das gitt ja meeega viel ztue

mir hei üse termin ufem standesamt für s ehevorbereitigsverfahre ire wuche. chanechs de verzeue... und de muessi de ou grad dr neu pass bsteue, süsch chani nid id flitterwuche :-(.
machemer grad sone lischte, wo dassi überall muess säge, dass mi name änderet...

Guete Morge 13ner Brütlis, ehr send jo scho weder sehr flissegi gseh!

Also mir het sie geschter gseit dass mir bis am 14.3. alli Dokument söttet parat mache (Wohnsitzbestätigung, Geburtsschii, Passkopie / Usländeruswiskopie, min Fründ isch en Italiener, da gebore und und ufgwachse, für die wo im Usland gebore sind, bruchts meh Dokument)

D Wohnsitzbestätigung und de Geburtsschii wird sie eus bis denn usdrucke und adem Tag geh. Ide Zwüscheziit chömemer en Frageboge über zum usfülle und bis denn mitneh. Det muess mär ageh wie mär denn wett heisse, wie d Kind sölet heisse etc. De Rescht besprechemer denn det, wird denn au wegem Pass/ID fröge, vorallem für die vo denn grad id Flitterwuche gönd isches scho no wichtig... und isch scho so, nienets stahts konkret, überall echli andersch... mega müehsam

da ich ide ferie sicher au no mini kreditcharte wird bruche und die i gwüsse länder nur mitem pass zäme chasch bruche, isch mir eifach alles chli en heisse gsie. und bide kreditcharte chasch de name ersch wechsle wenn de eheschie häsch.

guet mi frönd het au no en kreditcharte. ond die neue chärtli chont em amigs relativ schnell öber, aso denki i mim fall chani das alles innerhalb vo dene 2 woche regle (dorom hani s zivile au es bezeli früehener welle).
ebe ond sosch wenn me mol öpis met kreditcharte muss zahele, ebe de sells de frönd zahle ;)