D Schwöster vo mim Fründ isch Coiffeuse und sie wird mir d Frisur am kirchliche mache, darum hani denkt gahni au am zivile zum Coiffeur, zahle nur eimal und han trotzdem ä hübschi Frisur.
@Mona: Die Sache mit den Blumen habe ich komplett an die Trauzeugin outgesourct - damit habe ich absolut nichts zu tun und lasse mich einfach überraschen. Die Probefrisur und Probemake-up habe ich 3 Wochen vor der Hochzeit. Somit muss ich eigentlich nur noch das Kleid kürzen und einnehmen lassen und mir noch Gedanken machen welche Ohrringe ich anziehen möchte an der Hochzeit.
@Iladigscharte Uhuu Froue... D Kollegin het mer grad d Föteli vo letschte Sunnti zur Uswahl gschickt. Si si no nid bearbeitet u derna stimmt z liecht no nid ganz... Aber i wott öich doch es paari zeige.... de gsäht dir ou grad mau, wär sech hinter dr lus verbirgt...
Jöö Lus.. Mega schön euchi Föteli.. Dir gseht so glücklich us und ebe as hebet dirs sehr lustig gha.. Das mit euchem Hund gfallt mir am Beste.. Weisch scho wie du d Kärtli machsch? Mit Fotistrecki??
Manokasa:Gäbed ihr t Ziit ah wot chile ahfangt, oder scho chli früehner?
Mir hei d ziit agä, wo dchile afaht... isch gloub säubschtverständlech, dassme zmingscht pünktlech wenn nid sogar früecher chunnt. guet äbe, bi üs ischs e chirchlechi trouig, aber i dänke, ou anes apero chunnt me pünktlech, isch doch ehresach...
@Schmetterling84 Danke üsi charte isch 15x15cm u 6 site "läng". wird de speziell gfaltet... I ha vore druffe es foto (äue das mit hundi, das gfaut mer nämlech ou sehr guet) u dr text: Nach 4022 gmeinsame Täg isches sowit, mir hürate! när chunnt uf dr innesite sicher no es foto und ev. no es chlises schüsch. u eis foto brucheni für d webstamps
@Lus: sooo geili föteli, ich finds immer schön äs päärli gseh vo härze lachä wiä eu zwei. und euä hund isch so süäss, würd glaub au das näh. :-) komplimänt diä föteli sind cool, da chame viel machä. :-)
@elea: das hani mir au überleit mit zweimal di glich frisur. vilicht gahni eifach vorem zivilä zum coiffeur und säg söll mer bitz schnidä und chli lockä machä. langet mer eigentli scho für s zivilä. :-) frög mi ebä nur immer wasi dän machä nach dä probefrisur, bin sust niä gschminkt und au nöd so gstylt, wär ja schad wäni nacher hei gächt und vor de fernseh liggä. :-) muäs glaub dän eifach in usgang. :-)
Oh uf dini Chärtli bi ig denn gspannt.. die werde sicher mega au das mit de Däg und Webstamps find ig super.. Bi de Dankeskärtli mach i das denn au so.. (Webstemps)
Und übrigens.. finds mega ha ig jetzt es Bild zum Name :-)
Anmelden
