Guete Morge metenand,

mer hend gester s Gspröch gha met eusem Caterer...ech cha euch säge so öbis hani no nie erläbt, dä Maa macht das eifach met Lieb ond Seel, dä muess mer sogar no brämse schöscht wörder no meh welle ufstelle...
Mer hend jetzt folgendes "Bstöut":

- Fleischplattene
- Chäsplattene
- Gmüesdips
- Schenkegipfeli
- Chäschüechli
- Fröchtespiessli
- Fröchtetäller
- Beleiti Bröttli
- chlini Sandwicheli
- Süesses für die Chline
- Süesses för die Grosse =)

- Osaft
- Mineral
- Süessgetränk
- Kaffi
- Wisswi
- Proseco

Met Gescherr....zomene Pris vo 15.00 CHF pro Person!!!! Wahnsenn ned?
Falls öber no en Caterer brucht chani dä nome empfähle, anschinend machter das ned nome im Kt Lozärn! =)

Also be eus hend die folgende es Blüemli: Natürlech mi Schatz, de TZ ond mi Paps...=) Aber so es Buchettli hemer ned...mi GG fendt das au "doof" debi fend ech das schön! =)
De TZ vo mim GG werd denn luege dasser e passendi Cravatte hed zum Chleid vo minere TZ...

Zuletzt bearbeitet am 22.02.13 08:12

wow canoa das tönt hammer. :-)
han leider min caterer scho, bi üs machts dä kolleg. mir hän d aber nöd ganz äso viel sachä wiäi hr drin, sandwich und schinkegipfeli und so hämer nöd da mer erst am 4i oder no spöter dä apero händ.
aber a dim apero würdi au grad gärn zuäschlah.... :-)

guete morge!

ich wechsle ja jetz no de job und ha nachher au 3 täg frei für d hochzit. jetz wäreds nur 2 gsi.

mir händ au gester innert 10 minute eusi iladige "designt", jetzt muess nur de text fertiggmacht werde denn chönd mer loslah. vilicht schaffi das ja am weekend :-)

nicht registriert

Uhu froue
Morn sis genau 6 Mönet vor üsem Hochzyt u i chönnt ufs Standesamt alüte... Das aber e Samsti isch morn wirds ufe Mänti verschobe. I ha das zwar gwüsst, ha hüt glich aglütte ufs Standesamt... mer weis ja nie öbsi nid chli nätt si dete
Ja denkste... D leitige gö am 08.30 uf, i ha am 08.40 aglütte. Er het gseit, es heige scho xxx Lüt hüt morge aglütte u füre 23.8.2013 gfragt... i mües de würklech punkt 08.30 alütte....
Läk mir froue, i bi grad sooo ufgregt u ha sooo angscht, dasi üse Termin nid verwütsche...

lus da klappet scho! alli do dröcket der d dume!!
ond au wens es anders datum gäbt wers doch au ned so so schlemm ;)
aber das klappet eh!biett sofort bscheid ge gell ;)

canoa, wow de apero tönt wörkli super! gnaz lässig! ond zo dem priis schmöckts doch grad opllet guet ;)

nicht registriert

@himbeer
Mir wei äbe im Schloss z Münsingen zivil hürate. Das isch eis vo dene usserordentleche Standesämter. Die hei im Jahr öppe 7 Täg wode chasch hürate, immer nume am Nami...
Alternativ müesstemer uf Bärn ad Laupenstrasse (grad näbemne Nachtklub zmitzt ir Stadt - nogo) oder uf Bümpliz is Schloss (schön, aber grad i die ander Richtig vomer müesste) oder mir gänge is "ordentleche" Zivilstandsamt uf Thun.. Nid so schön wies Schloss, ke Parkplätz vorhande... aber gäng scho Aber dr Wunsch wäri haut scho Münsingen.....
U da ds Apero und ds REsti etc. aues scho uf denn reserviert isch "müessemer" fasch denn hürate.. schüsch muesi zerscht mit ihne luege wenns schüsch no gäng....
Blöd das