Danke Cora :)

De Priis vode Karte isch ja unschlagbar, so cool!

Han vorere Halbstund s Mail vode Druckerei übercho mitem erste Entwurf, isch recht basic aber immerhin het sie mal öpis gmacht, han ihre mal mini Inputs gschickt und hoffe dass mär uf de richtigi Weg chömet :)

ah wenigstens bewegt sich öpis, sehr guet :-)

oh schön :-)

ich weiss gar nonig was sie wird choschte. d charte selber nur ca. 70 rappe aber ich ha no kei offerte vom druck.

@Lus au e super agebot :-)
Do no e uschnitt vo üser iladig- hani säuber kreiert

Datei-Anhänge

Komplett_forum1 .jpg (39x) Mime-Type: image/pjpeg, 19 kB

hey sonne!!!!
super esch cool het der das forum scho mengisch gholfe! weiss genau wasd meinsch, do em forum chasch emeeeer oberd HZ rede ohni dass muschs gfüehl ha öper znerve metem emmer gliche thema!


cory, das esc jo mol en geili iladig (sorry das wort )! i liebe so originelli, wetzigi charte!!!! gfallt mer meeeegaaa guet!!!

Mammamia, ihr sind alli so unglaublich kreativ! Zum Glück sind eusi Iiladige scho lang dusse - jetzt channi nüd meh ändere im Ärnscht, ihr mached all so tolli, kreativi Sache, unglaublich! Ich hätt jo alle scho au Vorstellige und Idee, mit de Umsetzig happerets de aber ziemli... ich bastle sogar gärn, aber was denn alle use chunnt gseht scho brutal sälber gmacht uus ich finds toll euchi Kreatione z'bewundere!

Wenni scho grad draa bi (hihi, bis jetzt hani nur zwüschedüre mitgläse aber irgendwie macht die Siite süchtig und euri Meinig interessiert mi - ihr sind die kompetäntischte Beroterinne wo ich mir cha vorstelle): de Ruum wo mir euses Feschtli werdid ha isch vo de Farbe här Orange, gelb... Gfallt mer grundsätzlich guet, nur hani jetzt überleid wie ich die Namenstäfeli will mache, und will ich nur beschränkt taläntiert bi sells nur ganz eifach wärde. Aber mit de Farbe... Das gseht sooooo farbig uus mit Gälb und Orange, irgendwie gar ned fäschtlich, eher chli "chindergeburtstagig". Wird no offwhite dezue kombiniere. Aber au so, das lüüchtet irgendwie schrecklich... Was meined ihr, wenn ich no es dunkelbruun dezue nimm, isch das denn defnitiv too much? Ich be chli rotlos und ha irgendwie gar keis konzept, uff...... Ihr sind alli so kreativ und was ihr mached gfallt mer alles so guet - was wär euchi Idee? Würd mi mega über es par Vorschläg freue!