Merci vilmol i bi ächt froh dass dir mi verstöhnd, mini Familie glaubt langsam ich ha e Knall *g* . Bi mir eschs eso gsi, wo ich s Chleid agleid gha ha und mi nonig im Spiegel gseh ha, hani dänkt gha wow das esch mol es richtigs Brutchleid (eifach so vo de Masse här wos Chleid het), ha mi grad chli wie e Prinzessin gfühlt. Woni mi denn gseh ha hanis aber irgendwie ned chöne verstoh, dass ich mich aluege imene sone Chleid, ha irgendwie i dem Momänt nur s Chleid agluegt und ned mich im Chleid, wüsse dir wieni meine?
Und weni jetzt d Fötelis dureluege wo mis Mami det gmacht het dänki amigs hei nei läck wie gsänd denn dini Hüft us i dem Chleid, macht mi das ned breit etc., debii esch mir au klar dass es Natelföteli s Objekt ned grad is beschte Liecht rückt. Ich glaube ich mues jetzt eifach ufhöre mich hintersinne und luege denn wieni mi fühle wenis im Mai nomol aha.

Aso Elea ich dänke wenn du dir wörkli so extrem unsicher bisch und du di ned "heimisch" fühlsch im Chleid, denn wördi velecht doch mol no go umeluege, ich glaube wenn d Zwifel so starch sind denn lohts dir allwäg kei Rueh. Oder ebe, mol mit emene Schleier dezue teste oder so? Das het bi mir denn rächt viel usmgacht, obwohl ich eigentli nie dänkt hät dass ichmol e Schleier aha.

haha lus dasch s beschte woni set langem ghört ha wegem zwifle am chleider!!! d hauptsach esch wörkli dass mer ned am maa zwifle! nenei de send mer d chleiderproblme tusigmol lieber!!!

jo eve das esches ebe, es loht mer so ke rueh. has gfüehl i cha erst met dem abschlüsse wenni weis dases eifach kes schöners chleid geht! i rege mi selber uf ab mer aber zom glöck hani es ganz es liebs ond geduldigs mami wo metchont go gügsle! :)
jo da metem schleier esch e guete tipp das muss i emol usprobiere!!!

ehr send engel!!

Ech ha mis Chleid au ned posted...Ech ha mini Föteli ufem USB Stick am Samstig hed är ne brucht, aber ech hat Leider ned onderem Ordner HZ abgleid, wet ehn jo ned iversuechig brenge! =)

hihi mine hät mis chleid zum glück au nonig gseh, aber muess uh ufpasse,
hans ufem natel und wenni ihm amig suscht es bild wot zeige, muessi zerscht
mis chleid überspringe und erscht dänn chaner luege aber er weiss das
es det druf ... aber dänk nöd daser gaht go schneugge, wot ja au das es für ihn
dänn a däm tag e überraschig isch, aber hans em glich scho erchlärt wies öpe
usgseht aber bekanntlich chönd sich männer das ja nur sehr schwer vor-
stelle er dänkt sich wahrschindli öpis zäme, aber obs dänn wüki au so si
wird, bezwiefli

bin mich grad mit so krimskrams am beschäftige, das git meh arbet als s grosse
züg, haiaiai!!!