Merci Lus. Jo ig ha jo s Vorspiesebuffet schomol gha und gseh vo ihm.. ha em gseit, dass eusi Gäst miesse umgheie so schön muess es usseh! Er het gseit er mech mir s schönste Buffet vo allne... Zum Glück kennt er mi scho guet!
natürlich miesse au d'Sache uf mene Schmetterling drapiert si und extra für eus macht er au e Fleur de Lis

Gseht denn öbbe so us.. eifach mit Fleisch...


hei denn no: Seestern, Pfau, Stege, So wie e Delfin (chli z kitschig aber egal) d Fontäne, Pilz, und und und und..

nicht registriert

wow
I wott o.......

nemo gratuliere der au no zo dim diplom! scho toll wenn me plötzli so vell freizit het ge

danke canoa. mer mi frönd het e tolle tag organisiert! be mega baff gsi

jäjo met de reaktione vom omfeld eschs emmer s gliche... :/ am wochened hemmer en onkel vo mim frönd troffe ond er het au scho öber 5egge erfahre dass mer hürote. as erst hets kei gratulation zor verlobi ge sonder grad "hender au sones öbertrebbnigs tür hochzit?" ond mer grad gseit nenei mer fiire em chline rahme ond hend em verzellt vom zivile ond voe eusere outdoor trauig. ond er grad, ou de hender e pfarrer det? wa schnorret denn de för en mescht vo gott etc! de hani gseit er sig en ganz e jonge ond mega flotte ond för eus passi das mega so! de hetter weder agfange ond verzellt dass er ebe inere waldhötte gforet het ond si hebe ebe DI GANZI familie ilgade (ned so wie mer). klar heters ned bös gmeint ond eifach wlee sin senf dezue ge... aber mann... wiso ned eifach sege "hey schön för euch! gratuliere!" nei anschinend freue sech di wenigste för eim sondern wend eifach ere senf dezue ge!!!! aber hami grad weder bestätigt gfüehlt i eusere entscheidig ned di ganz familie izlade! gross het mi sini reaktion ned gstört wel mer gsend ehn selte aber esch halt grad echli typisch...

Guete Morge mitenand!

Ja das mit de Reaktione isch halt bi jedem chli anders..die einte wei grad vo ihrere eigete Hochzit verzelle und anderi fröiesech mit eim und frage o nache...mir wärde vo Kollege vil gfragt, wi wit mir scho si usw. Und d Familie het am Afang nonid so vil drber gred, aber jetzt wos immer nöcher chunnt, frage si viil und d Eltere und Gschwüschterti fröie sich mega für eus.

Ich ha am Weekend mis Chleid chönne go hole und has iz bi mir dehei. Es passt zum Glück und i chas fasch nüm erwarte bisis endlech darf aalege..nid mal me 4 Wuche!

Hüt Nacht hani grad mega d Alptröim gha vom Hochzti..dass dr Apéro mega längwilig isch gsi und alli nur umegschtande si und üs niemer gratuliert het.. Isch wohl d Närvosität Aber süsch simer eigentlech guet vorbereitet. Fählt nur no ds Träffe mitem Fotograf nächst Weekend. Hoffe, mir händ di gliiche Vorstellige

i ha jez au entli min erste hochzits-traum gha! esch aber total verwerrend gsi! er hend mi agsteckt met euchne träum!

@Nemo: Herzliche Gratulation zum Diplom!

@Braut2013: Hmmm, mein Kleid war leider noch nicht perfekt geändert, es war immer noch zu gross. Heute Nacht hatte ich (das 1. Mal) auch einen kleinen Albtraum bezüglich der Hochzeit. Ich habe geträumt, dass wir alles nur draussen machen und es unglaublich fest regnet! Also standen wir da am Apéro und schauten aus wie begossene Pudel... Da ist mir eingefallen, dass wir ja drinnen feiern, phuuu zum Glück

@me: Ich wollte am Wochenende so einen Weddingtree im Rahmen bestellen und nun verweigern Sie mir die Zustellung, da sie Angst haben, der Rahmen könne zu Bruch gehen. Habe eine wütende E-mail über den Sinn von Onlineshopping zurückgeschrieben und den ganzen Auftrag storniert. Nun zeichnet aber eine gute Freundin den Baum für mich

Langsam bin ich gestresst wegen der HZ, da immer noch nicht klar ist ob ich nochmals eine ambulante OP vornehmen lassen muss oder nicht. Der Arzt meinte, dass wir nicht bis nach der HZ warten können, aber gleichzeitig will er jetzt doch noch 2 Wochen warten und schauen ob der Körper es selber regeln kann?!