ja machi glaub dän au wän d amäldefrist verbi isch. muäs eifach vorher äs beruhigigsteeli trinkä und mir vornäh nöd alzu fies z sie. will am liäbstä würdi so lüt ä moralpredig haltä und sägä was ihnä eigentli ifallt. :-) aber chani ja nöd bringe

hihi isch mer scho bewusst drum versuächi möglichst nett sie. also bi dä family vo mim schatz söll är alütä will bi gwüssnä chani dän ebä nöd nett sie. :-)

nicht registriert

Mire Tante (d Schwoscht vo mim Mami) und mim Unggle (dr Brüedsch vo beidne) hani ou je e iladig gschickt. mi unggle hani ja eigentlech nid wöue debiha, isch chli e komische. hane de aber glich iglade wüui i ne eigentlech gärn ha, er aber nid so astand het (zb zum dra bisle duets ja dr nächst bluemestock ou für was es wc?). Wo ihm hani no nüt ghört, das hani ou erwartet.... u insgheim hoffenni haut,daser absteit... vo mire tante hani komischerwis no nüt ghört. mini tante het ei tag mit mim mami telefoniert und mir hei für d ostere aui zäme es träffe abgmacht. si het de nume mim mami so gseit: si müessi das wägem hochzyt de no mit mir bespräche..... huch... entweder chasch doch cho oder nid? bi ja mau gspannt wases da z bespräche git
bi üs si sicher no über d heufti vode amäudige hängig... u d amäldefrist louft ändi nöchst wuche us... i gseh, i wirde z tüe ha

nicht registriert

ah no öppis.
Mir si ja mim vater ga d iladig bringe. sini läbenspartnere het so freud gha, dass si ou iglade isch (für si nid säubstverständlech wüu mis mami ou debi isch).
er het de gfragt, öb mir e car oder bus heige für vom apero is restaurant? er würd das schüsch übernäh und organisiere und üs das spändiere.... hani u härzig gfunde
da mir aber so weni lüt si (24 persone) heimer scho vo afang a gseit, dasses das ja nid eigentlech brucht und drum hani mim vater de gseit das mir das äbe nid würkelch würde vorgseh....
er het de gseit, s sigi kes problem, er düegs sech de am andere gschänk beteilige...
i weis itze aber nid, öb das vo üs chli fräch gsi isch z säge mir wöue das nid`? weis nid öber chli betupft gsi sich... hoffes nid