@Haus: Das ist noch eine interessante Diskussion. Ich persönlich könnte mir in den nächsten Jahren (oder vielleicht jemals) nicht vorstellen ein Haus zu besitzen, da ich nicht an einen Ort gebunden sein möchte. Schliesslich habe ich ja keine Ahnung wie es beruflich mit mir in den nächsten 10-15 Jahren weitergeht, aber generell sehe ich mich eigentlich schon auf dem zürcher Arbeitsplatz Und ausserdem bin ich auch gärtnerisch null begabt und mag nicht das ganze Haus "instand halten".
Dagegen spricht natürlich, dass man in einem eigenen Haus tun und lassen kann was man will und auch mehr Privatsphäre hat...
@himbeer Klar, i wetts ou nid misse un es isch haut scho schön sini eigete 4 wänd z ha... aber je meh platz dinne und dusse desto meh z tüe gits. mir verleidets ab und zue weni vom schaffe heichume und weiss, i sött no putze oder schüsch hushalte (s git ja immer öppis) oder im garte wärs wider nache.... de bini aube uf die iversüchtig vo eifach ihres balköndli hei u sech nid mit garte müesse abmüehe... u glich, i gäbs nümme häre
@snet I hami mit Gartesache ou nid uskennt... De hani eifach afa Pflanze usrisse woni ha dänkt die sige nid guet... chöme si wider isches uchrutt, chömesi nümme wäres de äbe Blueme gsi..... mir wachst outomatisch id gartearbeit. ha ou vieu gläse und chli gluegt.... u das wägem hus i stand steue: üses isch 30jährig u es isch diverses z mache (heizig, fassade striche, chuchi, bäder). aber mir düe aues was mer chöi säuber mache. u es git kes schöners gfüue weder nachere grundsanierig vome zimmer z gseh wasmer aues schöns säuber cha mache letscht summer heimer d ferie gopferet fürne zuesätzliechi 25 m2 grossi holzterrasse z boue.... he wede när nach getaner arbeit chasch drufhöckle.... das isch sooo schön
mer tüend de afangs nächst jahr mal luege wegemene huus.. zerst mal hürote de tüemmer mal s thema huus ahgoh.. isch halt scho was anders wenn me es eigenes huus hed
huch, s'thema huus... isch scho länger es thema, aber no ned konkret... mir macht das irgendwie chli buuchweh. einersiits findis mega toll, anderersiits machts mer au chli angscht, de ganz stutz det drii z'stecke... und denn frog ich mich, was ich mit eme huus will, falls mir kei chinder werded ha... denn ischs halt eifach viel arbeit. aber ebe scho au schön lus, dine garte findi mega schön!
ja bi eus werded chind sicher vorem hus es thema sii. mir liebed eusi wohnig, die isch aber leider gar nöd chindertauglich. wenns nach plan lauft, zügled mer aber erst, wenn de erst chnopf uf de welt wär. bis denn händ mer nochli ziit :-)
@sonne2013 Hmm wägem angscht ha wägem gäud muesch ke angscht ha. Es hus isch e gueti wärtalag und we immer öppis investiersch verlüürts ou ke wärt. u wes hert uf hert chunnt chamers ja verkaufe u wäge de chind... klar, s git vieu arbeit und mer cha zB ou z vieu platz ha aber s isch haut scho es einmaligs gfüeu. aber dir heit ja e huufe zyt, d entscheidig mues ja nid itze faue. vilicht gseht dr plötzlech es hus u de chasch de scho nümme nei säge
Anmelden
Und ausserdem bin ich auch gärtnerisch null begabt und mag nicht das ganze Haus "instand halten". 
. einersiits findis mega toll, anderersiits machts mer au chli angscht, de ganz stutz det drii z'stecke... und denn frog ich mich, was ich mit eme huus will, falls mir kei chinder werded ha... denn ischs halt eifach viel arbeit. aber ebe scho au schön
aber s isch haut scho es einmaligs gfüeu.