Gsprützte wissä muäs zahlt sie das isch a üsem hochziit dä brut ihres lieblingsgetränk. :-) und wisswii hämmer eh und citro au. also ghörts däzuä

Also gsprötzte Wisse wördi säge goht das goht be mer ond die glich Kategorie wie Moscato! =) Esch jo nüt anders als Wisswi ond Sprite...

Haha jo genau Lus Schadensbegränzig esch s rechtige Wort! =)

Minere Chefin ehre Sohn hürotet jetzt im Mai ond die hend imfall werklech e so, jede Gast bechond eis Glas Wii ond eis Cüpli ond eis Minaral de räscht müend t Gäst säuber zahle, das fendi es absoluts no go ond hed met gizig tzue...

s gleilste esch jo das das HZ t Eltere tüend zahle...De wördi secher ned so gizig tue...aber äbe jedem das seine...

ahh guuet ebe gsprützte hani ebe selber mega gern hihihi


demfal was bi eu No Gos send isch Limoncello, Grappa, Whiskey, Cocktails... :)
denke Grappa würdemer no lo go

so Whiskey ned und Cocktails au ned...



ui nei Canoa ja das isch scho gitzig

bi perfekte hochzeit amigs isches lustig de müends all getränk zahle...
od einist hends buffed gha und de hends nur 1 mal döffe schöpfe, bim zweite mal müends zahle xD

nicht registriert

@valey
da steue sech bi mir fasch d nackehaar uf weni das lise...
geit ja gaar nid dass d GÄST no fürs ässe müesse zahle wennsi no chli meh wette!!
NO GO....

de machsch gschider e gmüetliechi grillparty mit de lüt, das choschtet weniger u d lüt si sicher besser druffe weder wesi no müsse gäud zahle fürs ässe... würd mi emu scho chli hässig mache... klar, jede söu so mache winer wott... aber i findes doch grad chli too much

mir händ ja en limoncello als gaschtgschänk chönds das
trinke nei, aber bi eus ghörts scho däzue, nachem viele esse
es gläsli grappa, da han ich als frau sogar nüd dägege, ich kenns
halt nöd anderscht vo mim vater etc. ... zum verdaue ... findi au nöd
schlimm, aber wenns dänn mit cocktails oder so würdet cho, das
wotti sicher nöd und ich dänk min gg au nöd, will es hät ja scho gnueg
z trinke !!!!! meh als gnueg sogar!