ah wüki canoa? danke für dä tipp, muessi mal luege ...

bi dä unterwösch hani imfall au uh mühe gha
aber du finsch sicher no öpis passends wenigstens
häsch jetzt scho mal dini strümpf

Also das wäred genau die: http://www.falke.com/at/damen/feinstruem...__from_store=de

Chosted aber 35.00 CHF aber das esch mer de glich gseh...
Ech ha sie im Triumphlade gfonde...

wo hesch denn du dini Onderwösch här gha?

Morge Ladys
Mir gahts bestens, han s bestä Polterweekend gha wo mer sich nur chan vorstellä.
Mir sind zum guätä glück in europapark.

Aber fangä vo afang ah:
Also bi am 6i abgholt wordä vonere kollegin, dän simmer zu de schwö vo minere trauzügin und händ üs det alli troffe. Dän hani äs t-shirt übercho mit „bride“ druf und di andere händ eis gha wo „team bride – Support crew“ gstande isch. voll geil. vo det us simmer richtig würrenlos raststell und det hämmer zmörgelet. Nacher hani müäsä bürli und schöggeli verkaufä ade lüt! Han sooo angst gha vorem sachä verkaufä und bin froh dasi nur brötli und schöggeli han müäsä. Han au grad glück gha dass äs paar militärlütlis det gsi sind, diä sind natürli grosszügig gsi. isch aber eigentli no guät gangä. Nacher händs gseit ich dörf mal ratä. Han dän uf europapark tipped und bin sooooo happy gsi dass mer dethi sind.

Im europapark isch rächt chalt gsi, so das mer üsi t-shirt leider unter dä jagge nöd gseh hät aber isch au grad guät gsi so simmer nöd ufgfallä. S hät no paar anderi polterlütlis gha und teilwis sind diä voll peinlich umägloffä. Han mine mädels immer wieder dankä gseit dass ich nüt so schlimms muäs alegge.

Teilwis hani vor dä bahne müäsä frage beantworte über min fründ. Wänis falsch gha han hani müäsä, joddlä, eim ä currywurst abütä, einä uf französisch fröge was für ziit dases isch und alles so züg. Also voll easy. Sust hanis eifach chöne gnüssä.

Nacher simmer richtig schlafstell, so lustig händ ime tippi zält pennt all zämä. Isch voll s luxuxteil gsi mit bodeheizig und allem. Det hämmer 8 fläsche muscato killt und chli chips gfuetered. Nacher hani mini leggins und stiefeli müäsä dä trauzügin gäh und sie hät gseit ich müäs mir mis outfit für am abig verdiänä. Jedi hät mer ä frag gstellt wo mit üs z tuä hät (zum bispil: was isch passiert wo mer s erst mal zämä id ferie sind). Wänis richtig gha han hani äs chleidigsstück übercho. Sie händ mer äs uu cools western röckli (sind ja ime western dorf gsi) kauft und än viollete cowboyhuät und äs chetteli.
Sie sälber händ all en brunä huät gha und jedi äs anders cool blüsli. Am abig simmer no in saloon go znacht ässe und bitzeli go trinkä.

Am nächste tag natürli nomal uf all bahne und gäg di 5i hei zuä. Han am sunntig nüt meh müäsä machä und hans eifach nur uf de bahne chönä gnüssä.

Ihr gsend diä sind soo liäb zu mir gsi und händ genau das gmacht woni gärn mach. Bin soooo happy.
Und was mi am meistä gfreut hät, äs sind all mega guät uscho mitenand und ich han niä müäsä angst ha dases öpertem nöd passt, dass sich öpert usgschossä fühlt oder so. isch eifach super gangä. Han gmerkt dasi ganz cooli und seeeehr unkomplizierti kolleginä han.

Lüt äs isch s perfektä weekend gsi
Sorry isch chli lang worde

valey, hans där grad gschickt.