| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 93 .. 183 184 185 186 187 .. 1972 .. 3757
10.04.12 16:35
melanie89 

Re: Bräute 2013

Hallo zämä. Do isch nomol e ober wo sich traut im 2013
Wen i nume läsä was dir scho alles organisiert heit für euchi Hochziit bechumi jo scho fascht Angscht dasi das niemols schaff!!! Und mir hürote erscht im Septämber.
Mir händ e fangs Gästeliste, Apero, sMenü und eusi Hochziitstorte.
Was seli nume mache??? D Ziit rennt mir derfo!
10.04.12 16:55
bergeri 

Re: Bräute 2013

@Melanie89: Herzlich Willkommen bei uns. Take it easy Du hesch dafür schu fast alles was dia meista vu üs nonid hen....i glaub i han no vu niamertem khört dass si schu d'Torta, s'Menü het....also i han das amol nid....bi üs stön definitiv nur d'Location, Musik und am Samstag evtl. d'Fotografin aber denn isch no viiiiiiiiiel nid gmacht

Wia hesch din Atrag kriagt? Hender schu z'genaua Datum?

****Ziviltrauung 26.7.2013 & Zeremonie in der Woche darauf auf hoher See ****
10.04.12 17:27
melanie89 

Re: Bräute 2013

Min Schatz het mir am Silvester e Atrag gmacht und i ha jo gseit. Si jez scho sit 7 Joor zämä.
Useme Schärz use hei mir beschlosse am 21 Septämber zhürote. Si Vater het den Geburi und i ha gmeint daser das Datum sicher nit vergisst. Und so isches derzue cho.
Sisch ebä so das ich Köchin und Konditorin (zurzit in usbildig) bi und das isch eus oder besser gseit mir licht gfalle, do ich scho apero, torte und Vil Menüs ha chöne mitchoche und mache. Hesch den e ahnig was für Torte würd in Frog cho?
11.04.12 07:03
nini 

Re: Bräute 2013

@An oh schön das freut mi für eu!! Das sind nid mal me 8 Mönet! Wow!!

@Lula, ich han di freiä Täg u gnosse...gmüetlichi Zyt mit Familie und Fründe verbracht! S Wetter hät zwar gar nid wellä mitspiele (am Sunntig häts gschneit....han scho wellä d Wiehnachtsdeko füre näh) aber isch au ok gsi! Du häsch au erholsami Täg gha? Vill Schoggi gässä?

@Melanie89, Glückwunsch zur Verlobig und herzlich Willkomme bi üs! Lah dich nid stressä, mir händ scho na äs bizli Zyt! Das isch natürli super...du bisch a dä Quellä was Ideeä für Turtä und Esse abelangt!! Därf ich frägä was für ä Turtä dir vorschwebt? Ich chume sicher grad hunger über!

***17. August 2013***
11.04.12 07:10
MaLu 

Re: Bräute 2013

@an jöh.. so schön! das geit würklech nümme lang..

@ melanie, welcome

@ lula, mir heis u gnosse, mau endlich chly zyt z ha.. si üsi familiene gah bsueche und ostereier gfärbt etc.. het gfägt..

@ all, da üsi strengi saison itz düre isch, hei mir gred spontan es paar tag ferie gno und i freue mi soooooo druf..
hochzytstechnisch si mir di liste a restis am abteste, wo mir hei und am offerte fürs apéro ihole..
fägt mega (ig wo sooo gärn isse.. )..
11.04.12 07:57
bergeri 

Re: Bräute 2013

@melanie: jo denn bisch du jo würkli an dr quella. miar wetten öppis mit cupcakes und oba druf a schöni turta, damit miar glich no öppis hen zum aschnida.


****Ziviltrauung 26.7.2013 & Zeremonie in der Woche darauf auf hoher See ****
11.04.12 08:05
MaLu 

Re: Bräute 2013

bergeri, das hei mir üs o so überleit..
11.04.12 09:00
bergeri 

Re: Bräute 2013

@MaLu: cool. i find dia hochzytstorta so huarra cool, isch amol öppis anders als dia traditionell und bi miar und mim GG isch an dr Hochzyt sowiso alles abiz spezieller




****Ziviltrauung 26.7.2013 & Zeremonie in der Woche darauf auf hoher See ****
11.04.12 09:55
MaLu 

Re: Bräute 2013

ja i finde die o mega cool, da mir de zerscht no es chäs-buffet zum abschluss plane, hei di lüt de villecht gar nüm sooo viel platz im buuch

11.04.12 10:17
bergeri 

Re: Bräute 2013

mhm as chäsbüffet

****Ziviltrauung 26.7.2013 & Zeremonie in der Woche darauf auf hoher See ****
 1 .. 93 .. 183 184 185 186 187 .. 1972 .. 3757
bearbeitet   gspannt   langsam   irgendwie   einfach   natürlich   schnell   Zeremonie   Kollegin   schaffe   eigentli   richtig   Hochzit   Problem   natürli   Zuletzt   vorallem   himbeer   eigentlich   wirklich