| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 955 .. 1908 1909 1910 1911 1912 .. 2835 .. 3757
07.05.13 07:36
elea 

Re: Bräute 2013

secher ned? nei wie toll!!!!!! de leisch das collier ah zeme met de ohrering wod gester postet hesch?

be froh esch de gesterig tag dorre, ha gester e emotionali berg und talfahrt gha ond zobe beni plötzli halbe i panik usbroche welli s gfüehl gha ha i ha no absolut nüt greglet förd HZ!!! de hani mer am 1ide nacht afo notize mache i welere konstelation mer wend belder mache met de gäscht! be total dorre dreiht plötzli
hoffe höt hani mi meh em greff!

07.05.13 07:45
Bow 

Re: Bräute 2013

Jö Elea das kenni
Amigs het me eifach so Afäll und am nöchste Tag isch aber meinstens wieder verbi, oder?!
Denn macht me sich unglaublich nervös wege unnötige Sache, und wenn me drüber gschlofe het ordnet sich alles von allei

I ha gester de Termin ufem Zivilstandesamt abgmacht. Mir göh am 21. Mai. E halb Stund Formalitäte bespreche: 240.-

07.05.13 07:45
Lus

nicht registriert

 Re: Bräute 2013

@elea
hihi i ha mängisch ou so panikattake. de gsesch wie vieu die andere scho gmacht hei u de hani immer z gfüeu, i heig no nüt aber bis am Schluss wärde mir üsi 7 sache ou zäme ha elea.
i hamer während so attakene scho es paar mau e liste gschribe wasi no wott u mues u sött.... u de legeni die aube uf d site.. und de findise aube nümme
i bi grad froh hani abem donnsti 11 tag ferie, de chani wider chli derhinder! sött no d playliste mau fertig mache... wär kennt no gueti bärndütschi lieder wo würde passe? (ruhigi musig zum ässe...).

i ha defür grad wider mau so chli e chleiderkrise gha. dür die vile hz-sändige im momänt gseht mer sooo vieu schöni chleider u de nimeni aube mis büechli füre u luege mi ah. irgenwie erschint ds chleid gäublech ufem foti u i stah da wine fäudweibu ha mängisch scho zwifle... aber i gloube, spetischtens am samsti bini de wider überglücklech wüui i mis chleid cha

07.05.13 07:46
Mona83 

Re: Bräute 2013

ja s passt sogar zu de ohrering. han uuu freud ¨

oje elea, das isch nöd guät. aber du häsch doch soo viel scho. hetsch dir gschider ufgschribe was alles scho häsch dän wärsch mega lang dra gsi und hetsch gmerkt dass gar nöme so viel fählt.

ich han eher s gfühl han öpis vergässe, mir händ momentan alles und ich weiss grad nöd was machä. :-)
07.05.13 07:51
elea 

Re: Bräute 2013

jö lus, das kenni au es bez! de gsehsch die wonderschöne chleider em tv... guet es geht au vell hässlichi (die luegi lieber a de füehli mi bestätigt i minere wahl!)

i ha wi du au mol en ToDo liste he kriblet und die esch au verschwonde

hmm... berndütschi lieder, aso i vergöttere jo patent ochsner, ond wenn neumet scharlachrot lauft de laufe mer d träne abe wie bim rhiifall

mona dasch e gueti ide, nächst mol machi en "scho erledigt"liste de füehli mi secher besser
aso hender förs zivile alles oder au scho förs fescht?
07.05.13 07:57
Mona83 

Re: Bräute 2013

was was jetzt no fählt sind di definitivä bluämä, aber da hämer no ziit hät d floristin gmeint. änderigä vom zivilchleid, das bringi am mäntig zu de schnyderin.
zämäsitzä mit de fotografin sötet mer no aber diä isch jetzt grad chrank. kei ahnig wasi sust no söll machä

07.05.13 08:01
valey 

Re: Bräute 2013

Guete Morge zeme :))

scho so flissig am morge frühe :) hihi

Angita hihihi geile spruch :) vo welere region vo italie bisch du? :) hihi
d föteli send uuuuu schön emfal :) voll süess ehr zwei..


elea.. ohhh jee nei hesch so en attacke gha...
guet isch die jez dure.. das gehts amigs halt uff...
hasse das..


gester hani chli vox gluegt :) ha chli agfange die doku aluege Ja ich will :) wos send go kleider sueche.. hed soooo vel... aber mine gfallt mer emmerno am beste...



monaa hammer wegem collier jöö volll cool :))) de passts au schöön..
07.05.13 08:04
Nemo 

Re: Bräute 2013

morgä zäme!!

ich muen eu mini story vo gester verzellä.... horror echt...

bin doch mit mim mami ide stadt gsie go s'chleid abstecke ide modissa....
hmmm, mir händ ja das chleid im herbst kauft gha und denn isches dehte bliebe bis gester. mis mami isch i dem chleid dezumal eifach dine gsteckt wie imene guss, eifach perfekt. ich bins ja au mit ihre go ussueche und has ja gseh gha.
jetzt simmer gester dehte here und ich han ihre chum de rissverschluss hinde zue bracht!!! HILFEEEEEEE!!!!!

sie hät zwar über wiehnachte 4 kilo zue gno, hät jetzt aber wieder SIEBE kilo abgno. aber anschienend eifach nöd deht wosi hetti müesse. sie hät s'meiste am fudi und ade bei abgno und leider nöd am buch. jezt isch ihre das 700 fränkige chleid zchli gsie....
07.05.13 08:06
Nemo 

Re: Bräute 2013

mir händ denn mite chefin vom lade gred, die hät denn gfunde das chleid gebis nüme, aber sie macht e usnahm und mir dörfeds zrugg gä, sofern mir es anders findet!!!

und ihr glaubeds nöd, aber mir händ voll es anders gfunde. sie händ genau 3 chleider dhete gha im 44gi wo mis mami brucht. die restliche chleider gönd nur bis is 42gi
07.05.13 08:07
valey 

Re: Bräute 2013

heyy nemooo
uii neeiii mega doof aberrr... heddi mi grad chli gnervt wens mer nümm gange wär
aber puhh zum glück hender no es anders gfunde :))
 1 .. 955 .. 1908 1909 1910 1911 1912 .. 2835 .. 3757
Zeremonie   himbeer   gspannt   Zuletzt   Kollegin   einfach   schnell   vorallem   schaffe   Problem   bearbeitet   irgendwie   langsam   natürlich   Hochzit   eigentli   natürli   richtig   wirklich   eigentlich