i has mim GG ned gseit. weder das wegem geburi no das vode HZ. das wörd ehn mega verletze ond das wetti echt ned!!
nei si hend nie striit ond verstönd sech super!!! dorom verstohni au ned was das plötzli sell!!!!!

es esch absolut so eve plötzli lehrt me site a lüt kenne wo absolut neu send....

p.s. tusig dank för de tip zo dem lade eve! das esch genau das woni gsuecht ha ond d prise send tiptop!! merci vellmol för de super tip!

@ Elea: Hmm aso ich glaube ich wörd ehm mol alüte will bim schriebe chas au viel Missverständnis gä, und im Tonfall ah cha me jo au besser interpretiere wie's öper meint und öb öpis im Busch esch. Ich meine au wägem Geburi, aso ich find das ächt e komischi Ussag so nachem Motto jo wenn mir nüt bessers chöne mache denn chöme mir, hallooo ?! Mängisch merke d Lüüt glaub eifach au ned dass sie sich denäbe verhalte und denn mues mes halt eifach ganz direkt aspreche.... .

Bitte bitte esch gärngscheh wägem Tipp, aso ich bi ächt mega z friede mit eusne Fläschli und ha au gfunde d Priise sind super weni so mit anderne vergliche ha .

@ Valey: jo s goht mir glich, geht au Lüüt woni ganz andersch igschätzt ha und mi denn gwüssi Reaktione chli entüscht händ. Aber mues au säge, s geht anderi Lüüt wo mi sehr positiv überrascht händ. Es paar Kollege vo mim GG z.B. sind irgendwie viel härzlicher zu mir sit mir verlobt sind, mega lustig. Aso bi vorhär au scho guet uscho mit ehne aber irgendwie drücke sie mi jetzt immer bim begrüesse und so das esch vorhär ned so gsi *g*.

ui elea das isch ja würkli ä schrägi reaktion. warschinli häters scho als witz gmeint aber är chönt chli fingfühl zeigä und sich dänke dass mer bi so sachä halt weniger spass verstönd.

ich han momentan sowas vo müä mitem trauzüg vo mim schatz, au will ich weiss dass är mini trauzügin wo würkli viel macht, nöd unterstützt. und ebä au wäg de stripperin. han minärä trauzügin gschribe sie söll ja druf achte dass är üsi no go's am hochziit ihaltet. nöd dass uf eimal no tubä git, ich hassä diä fiecher...

schisst mi zur ziit au eländ ah mit ihm go ässä am zivilä, mag de typ grad nöd gseh.

Das chani au voll verstoh, und ebe eigentli esch es jo au ned a dir do irgendwie so eim nochezseckle, aber mich wörds au mega stresse wenn ich a dinere Stell wär. Vorallem findi eifach wenn er sälber jo ghürote esch, denn het er doch sicher au chli Erfahrige gmacht wo er velecht ned so toll gfunde het und söt doch drus lehre.

Aber weisch ich ha au gmerkt, dass me d Lüüt det dure überhaupt ned cha ischätze und glaube vorallem grad d Männer legge eifach ned so viel Wärt uf so Iladigschärtli etc. Sind doch meistens d Fraue wo denn s Danke säge u.s.w. id Hand näme..... De TZ vo mim GG het sich au rächt lang ned gmolde wägem Chärtli und woni mi GG druf agsproche ha het er nur gmeint "jo das esch halt so bi eus Männer das esch halt ned so wichtig" . Najaaaaaaa, mir eschs halt wichtig und finds irgendwie schräg lang nüt vo sich ghöre z loh grad wenn me TZ oder so esch, aber solangs mi GG ned stresst....

Ich finds eifach so lustig, die Lüüt woni dänkt hät wo mega viel Wärt ufs Chärtli legge händ gar ned so druf reagiert, und deför anderi wo ich wörkli niieeeeee dänkt hät händ mega härzigi Feedback gä. De eint Kolleg vo mim GG z.B. het sich persönlich bedankt gha wo mir bi ehm am Geburifest gsi sind und het so gseit zu eus "Hei mega tolls Chärtli händ ehr gmacht, ich ha minere Fründin no gseit gha wenn dir öpis mached denn richtig" . Und ebe anderi woni dänkt ha die mälde sich doch grad händ gar ned reagiert, öper im Gschäft vo mim GG het als einzige Kommentar abgä so hegi d Beerdigungscharte vo sinere Grosmueter usgseh ?!? Joooooooo do beni au liecht überegheit wo mir das mi GG verzellt gha het, findi eifach mega fräch so Kommentär!