@ Valeria, also mer hend diä chline Magnetli im Globus kauft ka und es Magnetband im Migros. Mer düänd den es Band ufs Namenschärtli chlebe....


...oooOOO 25. Mai 2013 OOOooo...

@Valeria, mir sind zwar am Abig nur ca 50 Persone, mir wänd aber trotzdem Namenskärtli bastle. Ich han bereits letscht Jahr für dä Brüeder vo mim GG Namenschärtli bastlet. Ich bin inä Papeterie und bin sofort fündig worde...git gaaaaanz vill tolli Ideeä! D Magnet han ich bi supermanete.ch bstellt.

nicht registriert

@ Reebee, ouu das gaht ja gar ned. Aber ich tänke mal, wenn dini Kollege das genau so schräg findet wie du, denn werdets doch eigetlich gar ned gross luscht ha, ane Hochziit zgah vo öpperem wo sie chum känned? Wie hend dini Kollege den druff reagiert?

Min Fründ und ich hend übrigens au vor im 2013 zhürate. Eusi Familie wüssed no nüt, aber mir sind scho insgeheim am Plane. Ich han au e bitz Angscht, dass es mit de Fiir echli zumene Wettbewerb verchunnt, will e gueti Kollegin au zur gliiche Ziit vermuetli ihri kirchlichi Hochziit wird ha. Da mir vermuetlich scho eher die grösser Fiir werdet ha, hani mir eifach vorgnoh, ned allzufescht vo de Sache zschwärme. Immerhin laufed mer aber ned gfahr, dass mer genau die gliiche Kollege a de Hochziit werdet ha :)

@Suee
ich versuech etz gad usezfinde, wer sie alles iglade hett und öbs nur apero oder au abig isch.
kei ahnig, aber mir wär nie in sinn cho go ihri kollege ilade, nur will mer sie kenned heisst das ja nid, dass mer sie au müänd ilade... :(
jo i denk so zwiifel sind normal. jedi bruut wott ja di einzig sii und e traumhochziit ha :)

@namenschärtli
also wenn so viel lüüt sind findis e gueti idee, vorallem wenn mer nid alli gnau kennt.

***finally getting married - May 25th 2013***

@Suee: also zwischen apero und abendessen kenne ich nichts. am abend hab ich schon sehr vieles gesehen. suchst du bestimmte sachen?

@Valerie: Das isch würkli günstig. cool

@Reebee: also i wür mi huarra freua wenn mini kollega au iglada wären Miar sin letscht johr ama hochzit gsi wo miar niamert kennt hen (das het mi jetz nid würkli gstört, well i eigentlich sehr offa bin und schnell irgendwo lüt kenna ) aber wenn döt 5 vu mina kollega drbi gsi wären het is uuu huarra cool gfunda. also miar wär das jetz egal.

@Namenskärtli: also bi üs kennen sich eigentlich alli, i wett aber glich Namenskärtli macha. i hans bi bildersammlung Einladungskarten dinna, wenn iar wenn luaga. miar tüans mit Klüpperli macha.

@purpurblume: herzlich willkommen bei uns. wie hast du deinen Antrag erhalten? Was hast du schon alles?





****Ziviltrauung 26.7.2013 & Zeremonie in der Woche darauf auf hoher See ****

nicht registriert

@bergeri
nachdem ich mim Fründ a Wiehnachte min Teil vom Atrag gmacht han het er mir a Oschtere au eini gmacht. Ned miteme Ring, defür aber miteme selbstdesignte Caketopper, wo imene wunderschöne Ei (mit Swarovski-Kristall verziert) drin gsi isch.
Bis jetzt hämmer nur ungfähr e Gäschtelischte gmacht, zum luege, wieviel Lüüt mir überhaupt würdet iilade und eus Wunschlocations usgsuecht. Mir werdet aber ned kirchlich hürate, sondern eusi Trauigszeremonie amene andere Ort abhalte.