Mona nei es passt no ned, aber ech häts im Oktober grad selle lo ändere, das Brutgschäft esch ned so flexibu dass mer erst vorhär chas Chleid loh ändere, darum hanis eifach so metgnoh ohni loh ändere...Muess auso no e Schniderin sueche...das wär eigentlech au no öbis wechtigs woni set erledige...

jo i fende au 700 send e huufe geld! chaufe emo ned allpot sache för 700.-!
bi mer eschs zb so gsi, i ha ke ahnig gha wi das ablauft ond be mer im nochinein so öberromplet vorcho. gar ke schöni erennerige as chleiderchaufe... ond dasch doch schad... klar mönd si au chleider verchaufe aber i ha sgfüehl si mieche de besser wenn si au nachetene bide änderige gueti betröigt wörde büte. de wörd me de vell ehner zb met de trauzügin ond de mueter det no go luege wege emne chleid... item... me chas ned ändere! hoffe das klappet met dim chleid larinya (muss jo mis au no lo äneder wel sis z eng gmacht hend..)

ou zitplan... das fendi au so öpis schwerigs wend musch öberlegge wenn wele gang chont zom bispel.... be au ener der meien: spontan luege aber das esch natürli schwerig

sorry mädels, aber ich reg mich grad brutal uf!!!

Mir hend ja morn nur eusi TZ, Eltere, Gschwüsterti mit Familie und Kind debi, mir hüratet am 17h und hend denn en Apéro bi eus dihei organisiert und gönd denn mite TZ go esse...

Mir hend das allne scho lang so kommuniziert (schriftlich) d Frau vom Brüeder vo mim Fründ het aber trotzdem immer s Gfühl sie wüssi das nüm, het mer gester nomal gschriebe und gfröget "also morn (Mittwuch) am 5i vorem Standesamt gell? Wie isch denn de Ablauf?"

Ok, weiss nöd öb sie mich scho gester het wele provoziere aber ich han denn nomal zruggschriebe, nei am DUNSCHTIG am 5 vorem Standesamt und denn gitts en Apéro bi eus... und denn chunt zrugg "ok, denn gönd mir evtl. mite Kind nachem Standesamt hei" .... ok scho mal das, danke dases mir 1 Tag vorher seisch, obwohl das ja eigentli scho sit immer weisch und ja eigenlti au sit immer gseit hesch das ihr alli debi sind, egal.. han denn nöd zruggschriebe wills mir zblöd worde isch...

Grad vorher schriebt sie wieder und meint "sorry han di nöd wele ufrege, han mär eifach Gedanke gmacht was d Kind denn zum zNacht sölet esse" .... also ich weiss ja nöd, aber Brot, Ufschnitt-/Käsplattene, Canapés, Spiessli, Chips, Nüssli, Salzstängeli sölet doch lange, im schlimmste Fall chönd d Kind ja nacher dihei no öpis "richtigs" esse aber au egal, isch das jetz würkli en Grund zum mich 1 Tag vor minere HZ zstresse? Isches würkli en Grund? Nei will ich reg mich jetz grad brutal uf...

ou emma ich verstah di. sorry wäni das säge aber gwüssi müätärä sind amel so egoistisch und kompliziert und ihri grösst sorg isch doch immer was isch mit mine heiligä chind??? boah das hassi amel.

bin froh häts bi üs ide verwandtschaft kei chind. und ähm ihr sind ja bi dir dähäi oder? da häts sicher im chüälschrank äs joghurt oder so wo chind ässed. und dächind langet doch meistens so ufschnitt und brot.

GUete Morge mini Dame :)

wooow send ehr flissig gsi med schribe am morge frühe hehehe...
be grad vori mini nägeli go mache hehe


cribo
dini fötelis send mega megaaa schönnn :)))


apple
welcome back, hoffe hast es genossen am WGT?


Mona
ahh super wegem jäcckli :)) de hed sich das au erledigt
hihihih das med de iladig herehänke.. am schluss chunt no die ganz nachbarschaft hihihi


elea
freut mi mega dass alli bi euch chömed :))) sooo coool
was isch eig weg dem ander wo eu ned iglade hed? die hend zuegseit? hends nüt meh gseit??'


Schmetterlig
ahhh so schön Polterthema Fairytale hahaha
wär genau mis ding gsi hehe
ich ha bi mer kei ufgabe müesse lüse :)) ha aber gseit well ned so sache :)


Emma
bi der isches au gli so wiet... ja s wetter spellt leider für eus ned eso med...
hoffe findsch no en schirm... ich nemm eifach min pinkige victoria secret schirm hahahaha
passt zwar überhaupt ned aber egal hihi
bruchs eh nur für zum standesamt laufe :)

und ohhh jeee die wo do gschribe hed... !!! weis me ned das me d brut die paar täg vor de hz ned sell stresseee???? hey nei.. ich verstoh dich.... be mer isch au öpper no cho med öppisem... und jez mueni morn no im züg go omespringe¨!!!
log reg di ned uf
wenns de heiwend seleds!!

schriib ihre doch dass es näbed de snacks au no brot und fleisch und chäs gid, dass es sicher gnueg hätti für euch alli und dass du dich würsch freue wenn sie debii wäred. dass du aber verstohsch wenn sie öppis warms in buuch bruuched und lieber ned wend cho.
(au wenns ned verstohsch... viellich merkt sie denn wie doof sie tued! hallo, mer läbed e de schwiiz, do verhongeret ömu secher keine! scho gar ned amene hochziitsapero! mini närve, die chind hend doch gärn es redli ufschnitt und es feins brötli! dene isch doch das egal!!!!!!!)