@Canoa

Ja 6 Lüüt sind isch scho chli eng i eim Auto

Ehr möched s Shooting demfall au nach de Chele?

Mer send äbe e Grossfamilie! =)

Jo mer möched s Shooting au noch de Chele, obwohl mer scho einigi bösi Röckmäudige öbercho hend vorallem vo de SchwiMu. För eus stemmt das ned wemer vorhär gönd go fötele darum hemer das jetzt so iplant dass mer eifach frühner vom Apéro gönd...ond eusi Täschmeister tüend de t Lüt onderhaute, sie hend au scho plän!=) Klar esch es weniger stressig aber mer gönd noch de Chele go Fötele...=)

Ja mer hend ebe au scho es paar blödi Kommentär übercho, de hani au dänkt macht mer das hüt nümme, dass sich s Bruutpaar ned gseht. Ich fende das macht ebe nomal ganz e bsonderi Stemmig. Mer werdet au erst d Gratulatione entgägeneh, denne gids chli öbbis z Trinke und Gästeföteli, d TZ düend de d Gäst underhalte und fahred met ehne zum rechtige Apero wo ned direkt vor de chele isch (hemmer ned döffe) und i dere Ziit möched mer Föteli und de müends au ned allzu lang uf eus warte. Ich fends au guet so und für eus stemmts.

mer hend eus dezue entschede nachetene zfötele, wells eus wechtig esch dasss mer eus vor de trauig ned gsend. ond wenn mer zwösche apero ond esse gönd go shoote esch das au no e stond womer bez vode lüt weg chöme ond bez chöne dorreschnufe. wis di andere fende esch mer glich. die werde sech wohl e stond chöne elei onderhalte (het jo no apero ond esse nebezue)! jede sells doch so mache winer wet!
ha au scho ghört vo brutpaar wo 3h weg gsi send. da fendi de scho bez zvell. aber meine 1h goht schnell verbi... ond euse fotograf het eh gmeint d fotine werde schöne metti nomitag (weld sonne tüfer stoht ond me so weniger schatte em gsecht het).

Apropo Apérogäst, ech warte emmer no uf Röckmäudige, jetzt hends no bis am 31.5. Ziit aber ech ha emmer no vo 130 Lüt no emmer kei Röckmäudig!!!!

ohje vo 130 Lüüt das isch scho ned grad ideal!
Dass sich d Lüüt emmer müend uf de letschti drücker amelde oder sogar en Extrailadig bruuched verstahni ned.

Ich hoffe es meldet sich no es paar und dassd ned muesch nochetelefoniere. Ich han mer ebe au Gedanke gmacht öb ächt d Apérogäst meinet für de Apéro muess mer sich ned amelde (obwohl mers eigentli au ufgschrebe hend).