@jasi: er het gseit ihm gfalli a brut in r** nid so aber am "richtiga hochzitstag" bini jo in wiiss und i denka dasses ihm ufem schiff denn schu gfallt isch schliasslich sini liablingsfarb.

@cassi: chama denn d HP gseh?


****Ziviltrauung 26.7.2013 & Zeremonie in der Woche darauf auf hoher See ****

Ladies er sind jo waaahnsinnig i so kurzer zit soo vil zschribe

LucyLu
joo den bin i jo froh.. es isch echt Wahnsinn mit dene Priise. Klar wönd mir gueti Fotene, find ich definitiv was sehr wichtigs. Aber glich so CHF 4'000 wöt ich aifach nöd usgeh, das isch mir den doch widor zvil... mol luege, han ez glaubs zwai usem Dütsche gfunde, wo sehr günstig wäred.

bergeri
jo aso wen den wör en Kolleg vo mim Vater am Obig den Fötele, wo eigentli sust nöd iglade wär. Aso dä wör sich den au uf das konzentriere aber halt für sehr wenig Geld. Wil ebe so Torte und s'esse und und und wöti scho au festghalte ha

nini
Mir gönd worschindli üsi Ring au scho bald go hole. Han no en 500Fr. Guetschii vo mim Gschäft für dä seb Juwelier und han en wunderschöne Ring gseh, i glaub i finde kain schönere meh

Namenstäfeli
Aso mir werded Namenstäfeli mache wil mir doch so 70-80 Lüüt bim Esse werded si. Demfall mach i den sotig mit so Magnet, muess i mi au mol gnauer dämit befasse.

Purpurblume
Herzlich Willkomme und lässigi Idee mit em Quiz!

Unterhaltig vo dä Gäst
Aso i mache nix speziells me nochem Apéro und vorem esse. hans extra so plant, dasi zwüsched ine nöd au no muess Programm ha. I denk üsi Trauzüüge und mini Eltere werded sicher no was für dä Obig plane.. 2-3 Spili, irgendwas mit Fotis und so sache. So e Gästebuech wär au no was.

Woni Trauzügin gsi bin bi minere beste Fründin han ich es überdimensionals Puzzle us Holz afertige loh. Den hani scho vorem Hochzit allne gladne Gäst eis Teil gschickt, da hends müesse verziere, was drufschribe, was enä wünsched, egal was. Und das hends den am Hochzit becho quasi als Gästebuech. Isch genial worde. Und den hend alli no es chlises Gschenkli oder Guetschii mir gschickt, i han das ine Schatztruhe tue, diä hends am Hochzit becho, aber dä Schlüssel ersch 1 Johr spöter

@ bergeri bezüglich de HP... mal luege hend ihr denn au eini?

da hetts ja es paar early birds :) guete morge!

herzlich willkomme ade neue, mir werdet immer meh

@underhaltig
hmm, mir hend eus da bisher nonig so riesig gedanke gmacht. en DJ hemmer organisiert, aber sus eigetli nüt, mir hoffed ebe dass vilicht eusi gäscht no s'eint oder andere spiel vorbereitet. mal luege ;) hett ja nochli ziit.

@organisation
also mir hend bis etz:
- d'chile fix buechet
- de pfarrer buechet
- de fotograf fix buechet
- d'partylocation & catering
- iladigscharte designet
- farbkonzept/deko überdenkt
- DJ buechet
- zwei ensemble für d'chile agfragt
- d'gäschtelischte agfange
- trauzüüge und de tätschmeischter
- hochziitshomepage agfange
- juwelier usgsuecht

jo i glaub das isch es in etwa...

***finally getting married - May 25th 2013***

Zuletzt bearbeitet am 17.04.12 07:38

@cassi: nei miar werden keini macha. Do dia meista vu üs sich mit Internet nid so uskennen und das bi üs nid üblich isch, werden miar au keini macha.

@Nini: Das mitem Winzer findi a cooli Idee.

@Reebee: Törfenmr denn dini HP au gseh?

@us: Ring hen miar au usgsuacht aber nonid bstellt, bzw. nonidamol live gseh. miar hens im Rhomberg gseh und üs grad verliabt. hoffentlich gsehns denn in live au so wunderschön us.

@Unterhaltig: Tüan iar d'Obetunterhaltig selber plana und organisiara? Also was miar für da Obet eifach organisiart hen isch d'Musik und sus machen miar überhaupt nüd! Bi üs isch ds üblich, dass ds'Obetprogramm d'Trauzüga und/oder dr Tätschmeister macht. Und miar werden denn so im Summer amol mit üserna Lüüt zemma hocka und alles besprecha wia üsera Tag usgseh wird (Zitplan) und si chönn denn plana. Also miar wüssen eigentlich bis zu dem Tag nid was uf üs zuacho wird. Miar wüssen nid ob miar as Gästebuach hen, ob miar spili hen (seb weissi zwor dass miar hen, well min Brüatsch sich ganz sicher öppis ifalla loht) etc.

****Ziviltrauung 26.7.2013 & Zeremonie in der Woche darauf auf hoher See ****

@bergeri, händ ihr dänn au äs Föteli vo eu id Iladig mitibezoge? Ich wür ebä gärn äs Föteli vom Vorshooting näh für dIladie...chan mir aber sälberbastleti Chrätli mit ufkläbätä Fotene nid so vorstellä! Hmmm, schwirig...