nicht registriert

Ich wurde so was von verarscht... Bericht zu meinem Poltertag... http://www.heiraten.ch/forum/board/anlae...hung-2_133.html

nicht registriert

@sonne13
Hmmm vilicht bedütet di Troum: "mach meh sport" und mine "lehr chinesisch"

@canoa
hei cool.... gäu dr 21.8 isch doch eifach perfekt?
d frou vom cousin vo mim gg het ou denn geburtstag und weni ghürate bi heissemer beidi genau glich (vor- und nachname) zum glück stimmt ds geburtjahr nid no überiii

@toluwu
hihi lustig di bricht.... schön hesch so e tolle überraschigsriiche tag gha!

jo lus, ich mach doch scho vöu sport??? 4-5 mou pro woche, säg ned das länget ned?!? vellecht heissts jo ou, suech der e andere job dass met em velo chasch goh? oder hör uf so bequem z sii, du besch verwöhnt! oder... ??? ech säge jetzt eifach mou, es ged ou tröim ohni sinn und bedüütig

Morgäää Mädels

Also ich läbe no und bin jetzt VERHÜRATET!

Mir händs super schön gha und drum hani eu da no min bricht:
Also am morgä bini go neu wächsle, no chli go pöstele und dän hani no zmittag gmacht und am halbi 2 bini mit de Trauzügin zum coiffeur. Sie händ üs ä uu cooli frisur gmacht, ich han nur so gseit dasi nöd alles dobä wet ha und so und sie händs voll troffe.

Nacher simmer hei go üs alegge und schminke (für das hämmer ca. ä halbstund gha). Nacher sind üsi eltärä und trauzüge cho und händ üs mitgnah richtig standesamt.

Det gits eigentli gar nöd viel z verzellä, s isch rächt churz gsi, ä knappi halbstund. D Frau isch uu e lustigi gsi und häts mega locker gmacht. Dekoriert händs au chli und s isch no mega härzig gmacht gsi. bin bis zu dem ziitpunkt voll nöd nervös gsi aber wo sie denn agfange hät, hani uf eimal voll di hitzewallig gha, obwohls ja so chalt gsi isch am fritig. Mä hät mir aber zum glück nüt agseh.

Nacher hani no min Pass und d ID übercho und dän simer witer. Händ no im innehof chli föteli gmacht und sind richtig aperolocation gfahre. Det hämmer zwei stund apero gmacht und sind dän is restaurant. Det häts nomal apero gäh und dä trauzüg und sini fründin händ üs ä so än chorb gschänkt mit ämä überläbenspacket. So energietablette, beruhigigstee, ravioli, etc. und alles hät so sini bedütig gha. Mega härzig.

Dän hämmer znacht gässe und am 12i simmer richtig heiwärts gangä. Dä trauzüg und d fründin sind no rasch zu üs cho wo mer nomal än champagner trunkä händ und z vierte dä abig usklinke lah händ. Äs isch meeeega gsi, chönd eu freuä. Aber natürli isches viiiiel z schnäll umä gangä…!