@valey
Das ist ganz und gar nicht gemein! Wenn was gemein ist, dann ihr verhalten. Wenn sie kene Freude an eurer Feier hat, dann soll sie so ehrlich sein und das auch sagen!

Hei valey, oh man esch jo ächt e mega doofi Situation. Aber ich mues dir säge, ich finds überhaupt ned gemein wennd das wördsch mache, ich meine es esch euchi Hochzyyt und wer sich mit euch ned cha freue und so komisch tuet de wär doch ächt am falsche Ort. Aber ich verstohs dassd natürlich chli es komisches Gfühl debii hesch, hätt ich au und s wär mir allwäg niene wohl zums säge. Aber uf die ander Siite dänki halt, wenns dich so fest beschäftiget und sie sich am Zivile scho so denäbe benoh het, denn esch es doch dis guete Rächt ehre z säge du sorry es esch mir eifach ned wohl, für mich stimmts zum hütige Zyytpunkt nüm wenn du debii bisch will ich s Gfühl ha es passt eifach nüm.

@anyany: Das bin ich gsi mitem Chärtli. Ich han jetzt mal so halbtransparenti, blaui Couvert bstellt und schribe glaub mit schöner Schrift, woni usdrucke und denn ufem Transparente nafahre no d Adresse druf.

@Angita: So luschtig, mir isch genau s gliche passiert. Mini TZ het gfröged und ich han genau s gliche mit em Polterabig gseit obwohl ich bi ihre kei Angst muen ha, ich vertrau ihre voll und ganz, aber de Spruch hani mer nid chönne verkneife

@Valey: Die sind sicher flexibel, und susch ischs ja au nid so tragisch wägem Schribfähler. Es zellt ja, das du ihne es mega liebs Chärtli schriibsch.
Und wäg de BJ isches halt mega schwirig us de Ferni öppis z säge. Es muen schlussendli für dich stimme. Ich find, für as Apéro chamer eigentli jede ilade, hingege fürs Abigesse mues es scho stimme. Han mir säge lah, das me bim Apéro amigs gar nid mitbechunnt wär alles ume isch, wills so intensiv isch und schnäll verbi gaht. Hesch si denn scho fix schriftlich iglade?

hey lüüt hüt abig gahni mis chleid go holä. :-)

Hallo zäme

ech verfouge euchi Alige im Momänt chli im stelle, ha rächt vöu tzue.

Am Samstig semer go de Azog för de GG go poste, wow ech säge euch, weni nome dra dänke schmöuzi scho dehe...öbis so schöns ond so speziells...ech häts NIE dänkt...es esch en längere Chettu wo spezielli Chnöpf dra hend...ech gloube es werded lüt ghä die werded öberegheie, do mi GG gar ned bekannt esch för gwogti Sache...

sooo eusi Amäudigefrist esch jetzt au döre, be jetzt flissig am nochefroge, do eusi Apérogäst leider ned so flissig send met de Röckmäudig gäh!!!! Chli mühesam! es send emmer no ca.60 Röckmäudige woni bruche....

Ha mer letschmou ou vo öberem müesse loh säge, dass mer vo Apérogäst kei Röckmäudig cha verlange...hmmm das stemmt doch ned, jede wo jetzt nämlech Antwortet schriebt, ohhh sorry...
jo send no rächt vöu...es send no vöu Verwandti vo mim GG.
Vo de glatne Gäscht hemer alli ossert t Röckmäudig vo mim Götti fäut no, aber met ehm redemer no persönlech. Es esch det chli speziell...