nicht registriert

Guete Morge liebi Brütlis
I mäude mi ou wider mau zu Wort
Hei es rächts turbulänts Wucheändi hinderis - nid hochzytstechnisch, da isch nämlech gaaar nüt gange Am Samsti het mi GG mit dr Musig voner Spielt dr 1. Platz gholt ame Wettbewerb... het soo freud gha! Am Sunnti simer de mit es paarne ufe Sig ga z mittag ässe u i ha nüt bessers z tüe gha aus grad e migräneafall z ha, so dasi daheime um bi..... gester bini de daheime blibe. am sunnti abe isch mi gg no hurti id bude wüuer het müesse ga dampf alah für am mänti morge. ir bude heter erfahre, dass si arbeitskolleg am morge gstorbe isch (wahrschindlech härzinfarkt). sini freud vom sieg nache isch grad wäg gsi....

@anyany
duet mer leid wägem grosi vom gg... aber so wie du gschribe hesch ischs ja e erlösig gsi fürse. truurig isches allemal

@gastgschänkli
mir mache nume für die gladnige gest es gschänkli (täfeli). für d aperogest ou öppis z mache isch sehr ufwängig und cha ou sehr is gäud. mir wärde aber sicher vieu täfeli fürig ha (5kg muesi bstelle für 23 gastgschänkli ) u de dueni de öppe jedem aperogast bim dankeschärtli no es paari dezue oder so....

@brutkleid
i ha gester nomau d föteli vor chleiderabsteckete agluegt u grad wider es krisi gschobe
bir aprob ischmer ds chleid ja im brustberich vieu z gross gsi u so hets im spiegu usgseh aus hätti e besseri figur... itze wos aber richtig absteckt isch u igno isch, gsehts vieu weniger nachere figur us i hoffe, dir wüsst wasi meine.... ha wider hurti e 5-Minute-Krise gha aber im grund gno weisi ja, dases in ächt scho wird guet usgseh

bi hüs sis hüt no grad 80 täg bis zum hochzyt.... s geit fürsi...
hinech dueni mim gg mi wunsch-diamant under d nase ha... dä muesi nämlech langsam ha, schüsch wärde die ringe niiiieee fertig

ohh jeee luss... ich glaub so en krise hed jedi!!! hani au scho ghaa emfal... drum isch das normal..
hesch denn s kleid dehei? oder noni???

nicht registriert

@valey
eh i ha öppe die so churzi krisene.... i gloube, da bini ja ou nid die einzig
i ha sehr freud a mim chleid u i weiss, dases ds richtige isch
I has no im Brutmodegschäft. Es wird zur Zyt no abgänderet u i chas de am 17.8 ga hole (1 Wuche vorem HZ). i hoffe eifach, es passt denn....
Dr Azug vo mim GG isch immer no nid cho u das macht im langsam aber sicher chli Buuchweh....

@kamala
i bi froh hanis nid daheime.. steu dr vor..i gloub i wär no meh verunsicheret wennis immer wider chönnt alegge und probiere dänki....

ha no grad e frag wägem schleier.... dr schleier heisimer zämegleit und ine sack da und so mitgäh. i ha dä fange so versteckt daheime, dass ne gg nid grad gseht. i muesne ja de no mitnäh zum coiffure. am sa bim husputz (ha sturmfrei gha) hanimer dr schleier agmacht und bi so dürs huus gstolziert hättet mi söue gseh..... er isch aber vom zämegleit si rächt vernkitteret...
weis öpper grad öbmer dä mit dampf wider darf ufglette oder öbmerne eifach söu ufhänke daser sech de säuber streckt?

hihi jööö lus med em schleier
heddi di welle gseh :D hihihi

wegem kleid.. ey mach der kei sorge
die lueged scho dasses perfekt sitzt
woni be go abstecke und has de so gfötteled heds ganz komisch usgseh
dasi de nomol gange be...

aber isch ja nur so halbe ufgno und zemegno... nacher sitzts perfekt :)))