Apéro
Aso i wöt gern so gfüllti meterbrot bzw. so als zwei verschlungeni Herze den no es paar warmi sache (schinkegipfeli, chäsküechli), es paar chlini dessert sache, frücht und zum trinke das übliche, Mineral, O-Saft und Wissii... Han aber no kai Offerte oder so igholt

@Valeria
Genau sgliche Motto wiän ich han wölle und fast au di gliche Farbe. Min Zuekünftige het aber gfunde Engel passed nöd ez hend mir Farbe wiss/silber, lila und violett und Motto Kuss

Zitplan
Aso üsen Zitplan gseht öppe wiä folgt us:

08.00 - 11.00 Makeup und Hoor mache
11.00 - 12.00 was chlises esse wenis schaff
12.00 - 14.00 Fotoshooting
14.00 - 15.15 Kirche und Fotos i dä Kirche
15.30 - 18.00 Apéro
Aschlüssed Esse/Fest

Isch den da echt zlang für dä Apéro? I mein bis jo nur scho alli gratuliert hend gots jo es Wili. Muess mol Kollegin froge wiä lang dä Apéro bi erä gsi isch. Han sgfühl au recht lang und da isch eigentlich voll schön gsi bzw. hets au brucht!

@nini
Da mit dä Sunneblueme und dä Spruch däzue... sooooo schön

Frog: I dä Kirche hend er döte Live Musik aso öper wo singt oder es Instrument spilt oder lönd er döt au mol es Lied vo CD laufe? Mir hetät i dä Kirche en Orgle und chönt me diä afroge aber sust wöti eigentli nöd no extra was organisiere..

Mir hei jetzt ändlich diä Sach mit em Apéro nach dr Chilä chönne usefüchsle :D

Mini SchwiMu isch gescht no do gsi und i-wie isch diä Idee entstandä, mir chönnte de Apéro allefalls im Füürwehrmagazin mache. Do hets e mengi Platz zur Not au in dr Halle dinne.
S het e grosse Grill wo mer chönnti Klöpfer im CC go boschte, s Mami würdi Brot dihai ufbacke (wohnt nit wiite wäg vom Magazin) s git sichr au Lüt wo würde es paar Hörnli-Salate bringä.
Und diä Getränk chönne mir denn effektiv usem dütsche go hole.
Es paar Füürwehrlüt würde das sichr denn organisiere mit em Ufbau, mit em "Service" und mit em Abbau. So chönnte mir e Huufe Gäld ispare und eus de Traum vo dr grosse Fiir uf Bad Schaueburg denn leischte :)

Und es Dekoband für diä Tischdeko han ich jetzsch au scho boschtet gescht.

S einzig was mich chli gnervt het gescht:
Ich han vrzählt dass ich no gluegt ha wäge em wiitere Band für diä Autoschleife.
Würdi gärn die Schleifli au no z. B. in dr Deko odr odr odr wiederspiegle.
Ich ha Tüll, ich ha es 10mm Band in dunkelviolett und denn han ich no es nit durchsichtigs Band in creme welle für diä aigentliche Schleife. Dir wüsset wie ichs mein??
Und mis Schwiegermameli het diä ganze Zit gseit "Nai, das bruchsch doch nit" "Nai, dr Tüll und das Bändli langet" "S wird doch denn eh fort gschosse"
Ich ha's denn ufgeh...
Chönnet dir mich vrstoh? Odr sit dir au dr Meinig dass es Tüll-Schleifli langet?

Wobi, aigentlich für effektiv numä für an d'Antenne söllti es lange... Abr denn spöter für diä Deko muss zum Tüll no irgendöppis dran ane...


verliebt 25.05.2010 verlobt 08.04.2012 verheiratet ab 13.03.2013

Zuletzt bearbeitet am 19.04.12 08:44

nicht registriert

@Himmelslaternen
ich habe schon welche ersteigert...weisse....;O) weiss aber noch gar nicht ob wir die nutzen dürfen an der Location;O);O)

@Deko
Mir hei üs geeiniget so ufs Thema "Fairy Tale" und Orchideen....d Farbe werde gold, silber, beige und hellrosa si....aber meh wüssemer no nid gnau;O) chunnt de ou recht uf d location druab....;O) eifach houptsach es glitzert und glänzt;O);O)

@Nini
das mitder Idee vom Gastgschenk mitem Sunnebluemefeld findi u schön....!!

@Wolverine
hmmm wasme no chönti vorbereite: Gästeliste, Farbkonzept, Tischordnung, Welches Lied zum reinlaufen in die Kirche, Dekosachen suchen und schauen wo es das möglichst günstig gibt, Gästebuch........
und megem band würdi uf jede fall mache was DU findsch...und wenn DU no so band wotsch de choufsch gad 2;O) nei weisch wieni meine es muess ja dir/öich gfalle und nöime ide deko wirsch das ja äuä scho de chönne bruche?

@Valeria
ohje das verstahni das mag eim...i würdis UNBEDINGT aspreche??


het öper vo öich erfahrig mit EMBOSSING??

Diä Gästeliste stoht scho, beidi (Apéro & geladene)
S Farbkonzept stoht au, au wenn ich's bestumme ha ^^ Schatzi isches gliich... -.-
Ich ha mich gür créme, dunkles violett und orange entschide.. violett isch mini und orange sini lieblingsfarb und es creme lockerts chli uf, wil beidi jo rächt heftige Farbe sind...
Diä Tischordnig stoht au, isch numä chli schwierig.. chönne eus nonig so ganz entscheide. Ich hätti gärn e "Ehrentafel" wo mir mit euse Eltere und de Trauzüge sitzä und denn diä restliche Gäscht uf 3 grossi rundi 8er Tisch vrteile.
Es Lied zum ine laufe hai mir au scho. Numä min Schatz wot kai speziells. Ich ha im Spass gmeint ich lass ihn mit "Love and a marriage" vom Frank Sinatra lo ine laufe xD Wär no lustig ^^
Mis Lied het er bestumme: "River flows in you" vo Yiruma. S isch es erschti Lied gsi, wo mir s erschti Mol kuschlet hend
So züg wiä Gästebuch lueg ich denn mit de Trauzüge und em Dätschmeister a.
Mir müend unbedingt en Termin findä langsam...

Wie isch das bi euch? Heit dir de Trauzüge und em Dätschmeister gseit "Dir heit xyz CHF Budget" odr stumme diä alles mit euch ab oder wiä isch das?
Sellti jo no überraschige geh für diä sie e chli Batzeli chönnte bruche...


verliebt 25.05.2010 verlobt 08.04.2012 verheiratet ab 13.03.2013

Zuletzt bearbeitet am 19.04.12 12:28