ich han au es nastüchli vo mim mami. das hät scho mal mim grosi ghört. isch wiess und hät roti rösli druffe. das nimi au als öpis alts.

Guete Morga mitenand,

Trinkgäld: Ganz färtig überleit hani mir das au nanig.
Coiffeur und Kosmetikeri gibi nüt (Kosmetikeri isch na am Apero iglade)
Organist und Sigristin hani überleit je 40 Fr.
Mir händ en freischaffende Pfarrer (isch nid bi de Chile agstellt) darum zahled mir ihm chli meh wüssed aber nanig wie viel das isch ja dänn sin lohn, er seit nid wie viel er wett...
Bi de Chile isch ja sust so dass pfärrer über dchilestür zahlt wärded, darum sinds au gratis wänn mer zu däre Chilegmeind ghört.
Bruutfahrzüg: Hämmer gmietet und staht Trinkgälder sind i däre Branche immer na üblich: ha dänkt so 50.- (es isch eifach ein Transport vo Apero zu abigloc und dänn cha dä ja wieder abzwitschere.
Dänn fürs resti gits wahrschindli au chli en grössere Betrag sind ja mehreri Lüüt involviert und dChuchi gits au na. 200-300.-

Aber es sind erst mal idee gnau besproche hämmer na nüt...
Wie finded ihr das?

Trinkgeld: Hemer no nonig im Detail besproche. Aber allzuviel willi ehrlich gseit nöd gäh. Choschtet ja eh scho gnueg.
De Pfarrer müänd mir zahle, wär 250 gsi, hend em aber 300 gäh. Au für d`Chile müämer 100 zahle, will mer nümme idere Gmeind wohnid. Finds echli frech, will min GG het 35 Johr i dere Gmeind gwohnt....

Trägerlosi Oberteili: Muessi unbedingt au no go poste. Ich han zwar meh s` Problem dass ich immer bim Dekolté sofort rot wirde.... Wissi Abdrück bechumi nur selte. Wirde eh nume schön brun weni am Meer bin....

Am Fritig gömmer mal weg de Blueme go luege. Bin ja gspannt was die eus wärdend offeriere....

Guete morge zeme :))
Melde mich au kurz.. Ehr send ja flissig gsi med schribe hüt hihi

Trinkgelder
Weis ned ob mer gänd.. Die hend zum teil eh alli mega türi prisee :-/
Geb wahrschinli am dj/fotograf no merci schöggeli..
Pfarrer hemmer zum apero iglade und de mol luege

Momentan hani eh nerve weg dere chile
Be emmerno am kämpfe wegem grüst
Ha gester lang medem pfarrer gredt

Er rede no medem bauhei

I ha mer eifach überleit
Ich hürote 1 mal und wett dett hürote
Hend extra chile 1 1/2 jahr im vorus reserviert
Wieso mues ich jez eifach neumed anderst hürote nur wel die unfähig send??

Ja mal luegee