kamala dis chleid esch en traum!!!!!!!!!!!! ond i glaube de manne gfallt doch das eh wenn me no bez di schöne korve gseht bi de frau. aso hesch du s perfekte chleid ond er wird baff si glaub mers!!!
denke dini schwö esch velecht bez iversöchtig well sech momentan halt alles om deuch/euch dreiht... ond da dronkt mengisch bez ofd luhne... aber ebe lo der nix lo irede! s chleid eshc en traum!! weni dis schöne chleid gseh foni grad weder a mim a zwifle en tüfelschreis gsesch! ;)

Zuletzt bearbeitet am 12.06.13 12:59

Jö nei elea das hani ned welle aber hesch recht isch en totale Tüfelschreis! Aber danke das ehr mich so hend chönne beruhige ( di nechst kriise chunnt sicher weder)

Das met minere schwöster isch wahrschinli scho so....

Ich ben ächt au froh chan ich do über s Hz rede süsch wäred alli gnervt rundume

Kamala, s Kleid isch echt wunderschön, ich glaub würkli nöd dass du drah söttisch zwifle... au ich merk mite Ziit dass mär a allem chönt afange zwifle, vorallem wills dir lang vorgstellt hesch und dich jetz für NUR öpis muesch entscheide, öbs Deko, Kleid, Blueme oder was au immer isch, es isch nöd eifach und klar gitts immer schöners und günstigers, aber es heisst nöd dases besser isch. Es muess für eu stimme und wenn s Kleid für dich gstumme het, denn wird's au für din Schatz stimme, devo bini überzügt will du so oder so ä glücklichi Brut wirsch si und er din glückliche Brütigam und alles anderi isch eifach überhaupt nüm wichtig :)

Ich han grad am Mittag mit minere TZ drüber gredt, mir sind sitem Mai 2012 verlobt und ab denn hend die grosse Vorbereitige für im August 13 agfange, am Afang isch mer euphorisch, chönt sogar s Esse und s Schlafe weglah zum sich nur ade HZ-Vorbereitige zwidme aber jetz, 3 Mönet vor eusem grosse Tag hani meh und meh gmerkt dass die Details gar nöd wichtig sind, will das nur s Päckli vom Gschänk isch, s richtige Gschenk werdet d Emotione si wo unabhängig vode Location, Kleid und Blueme sind, und zwar mir zwei, au wenn mär in Jeans und Turnschueh würed hürate :) weiss nöd wie's eu gaht, aber dur das bini irgendwie viel lockerer worde und das hilft mir würkli...

ihr hend rächt! ich ha au grüblet - ha en idee gha für en menücharte, ha denn en prototyp gmacht, mim gg hends gfalle, ich ha aagfange mit de "produktion" und jetzt woni bald fertig bi frog mi ob das ned doof esch ich ha echt zwiifel. do seid mini tz: "menücharte? ah jo, das hend mir domols be eusem hochziit total vergässe!" hihi, und ech ha au nömm gwösst dass sie keini gha hend. ech erinnere mech nur no a gwüssi momänt im gottesdienst und dass es ganz es tolls, schöns fäscht gsii isch!!!

Zuletzt bearbeitet am 12.06.13 13:18

Das esch werklech so, mer cha sech ned alles merke, ond erst wemer i de Planig esch luegt mer uf Sache wo mer vorhär nie hät agluegt bzw. bemerkt!

No en anderi Frog, macht öbert vo euch t Antennemäschali säuber?
Hed ergendöbert en Aleitig? =) Ha leider nüt schlaus gfunde...

jo aber ebe es esch jo eigentli au schön sech i so Details zverrönne... soscht het me jo nie glegeheit sones grosses fest zplane! :)

jop due grad es bild vode flöschli ine... mis mail esch grad bez langsam drom gon es momentli...
ha höt no en dickere stift kauft dass de Name ned so verlohre ofem fläschli stoht ond no es schöners grüens band (wel das so glänzig ond bellig ussgseht..)