was häsch denn no welle verzelle lucy? :-)

LucyLu verzell echli was ihr plant hend für am Fritig? Gönder denn go Esse oder suscht öpis? wenni um die Ziit nöd wür schaffe, würi zuefällig im Altstädli durelaufe, wohn grad ide nöchi :)

die isch wükli super die liste. hät no meh so liste, falls öper no eini chan bruhe

die findi au super: http://www.lifeportal.ch/data/artikel/14...nverteilung.pdf

Alsooooo:

Für de Frietig hämer ebä nüd planet, han nöd "dörfe". Osi TZ und Familie händ alles für de Frietig organisiert. Ha also weder de Apero, no s'Esse, no Deko müsse plane. Rein gar nix. Drum bini umso gspannter was am Frietig alles passiert. Was ich weiss: sie leget sich uuuh is züg da mini Schwöster (TZ) scho am 10h muss irgendwo sih zum alles parat mache und hüt möchs sie na oises "Gschenkli" fertig.

Ich säg oi, ich bin sooo gwundrig und gspanne was die für ois alles händ.

Am Morge wirdi am 11:30 gschminkt und gah uf die 13:00 zum Coiffeur ä Frisur (nüd speziells) go mache. Min Schatz holt i de zw. Ziit min Struss ab. Denn tümer gmüetlich z'Mittagesse und am 15:10 chunnt min Papi mich mit sim schöne Oldtimer (Alfa Romeo Spider 60er Jahr, rot) go abhole. Denn fahremer gmüetlich uf Büli. Am 15:30 münd sich all det besammle und mir werdet es paar Minute spöter ihfahre damit ois all gsehnd. Min Schatz, Family und TZ mit Ahhang und en Kolleg vo Fötelet sind den scho dete.

15:45 fangt den die 20minütig Trauuig ah. Nachher gömer ächli go fötee u.a. zu de alte Spinnerei in Hochfelde/Bülach und den... ja das weiss ich ja ebä nanig. Freui mi sehr uf de Namittag / Abig.

so, ich gah jetzt in Mittag und na in Claire's go gügsle obs allefalls es Chetteli het wo zu mim Outfit passt...

*EN GUETE*