zum teil esch me überrascht vo der grosszügigkeit vo de gäscht und zum teil wie wenig das anderi gäbe. das ghört glaubs eifach derzue. esch schad, aber es esch leider so.

nicht registriert

@nemo
i cha dini sorge guet verstah nemo....
aber he, s chunnt aues guet u schüsch schuttisch dim outo mau eis vo mir as füdle!
Bi mir hetsech itze ou no grad e horränd höchi zahnartzrächnig igschliche u d wöschmaschine stigt nöchschtens us... s macht mer ou bitz sorge... so züg chunnt haut immer denn wemers nid cha bruche.... aber he, s git immer e lösig
u das mit em "gschänkli" vo däm architekt.......
aso es isch ja scho so, eigentlech söttmersech ja über jede franke freue - machemer ja ou gäu? aber i chas guet verstah, i finde persönlech 100.-- ou sehr weni. aber äbe, vilicht heisi schüsch no öppis organisiert oder dir bechömet am hz-tag no öppis? vielfach sött mer sech eifach nid vieu z gedanke mache!
mir hei ja vome arbeitskolleg vo nume am apero iglade isch sage und schreibe 500.-- becho!! u sit denn bini natürlech immer wider ufem konto am luege öb öpper öppis izahlt het. bis itze isch das aber z einzige gschänk gsi i weiss, i sött nid so due
i ha aber d befürchtig, dass üsi trouzüge würklech hinder üsem rügge ds gäud vode gladnige gescht sammle fürnes anders gschänk... u mir hei üs ja eigentlech öppis as renoviere gwünscht i weiss nid, aber i wär gloubs rächt enttüscht wenns so wäri.... usemne grund hani ja e wunsch oder?

nemo das chani guet verstoh, do weri glaub au entüscht wennd TZ euche wunsch för Bargeld ned wörde akzeptiere!!! hani generell bez müeh wennd wönsch vom Brutpaar ned respektiert werde. mer hend zb klipp ond klar gseit mer wend ke kutschte, ke tume, ke herzli nix so Schnickschnack! ond jez erfahri dass min schwimu eus en Limousine wet miete för nachem zivile. 1. fendis schad om eres Geld, wel mim GG ond mer bedütet das rein gar nüt sone Limousine ond 2. wer die fahrt ned emol 10minute lang. lohnt sech das? i mine auge ned!
i weiss das sis nor guet meint, aber ebe i verstoh ned wiso me ned cha respektiere was s Brutpaar möchte ond was ned!

@lus: du bisch die best!! he he, ich gingge am auto denn eis wennis wieder überchume!!

@geschenke: ich bin bis jetzt vo einere person positiv überasch tworde, vo mim gotti. sie hät 470 franke überwiese und chunt allei.
vo anderne beträg bini bis jetzt eigentli nur entüscht worde. usserd vomene pärli wo an apero chunt, die händ 150 gä.
suscht vo gladne pärli hämmer bis jetzt no nie meh als 150 übercho!!! usserd eusi nachbere wo selber scho ghürate händ, die händ 220 überwiese und schlafed au im hotel. die anderne schlafed nöd emal dhete, sprich sie händ kei zuesätzlichi chöste!

na ja, wie au immer, ich muen mich jetzt wieder ufraffe, chan mi nöd hange lah, schliesslich isches euses fäscht und das wird wunderschön!!

@lus: viellicht sammle sie ja s'geld am schluss gliech fürd renovation, ich würs eu vo herzä gönne!!