i bi ou da........ mi chef isch nume no hüt da, när geiter 2 wuche id ferie... u i mues itze no chli büetz zämesueche woni de cha mache die nöchste zwe wuche.... wärde äue langi täg, ha nid so vieu
ou valey..... du gischmer grad es stichwort: i sött scho lang üsi playliste fertig mache..... u es lied ussueche füre walzer tanze.... mi gg het geschter nume gseit: "gäu, mir lö de d store abe bim üebe tanze" u üse tz het mir fürs hz scho wöue stahlkappeschue schänke
hmmm jetz grad isch d iladig i de finale züge, ich hoff ich cha sie nächst wuche drucke, denn chönnted mers inere wuche verschicke. das isch sicher de grössti punkt.
nächst wuche gönd mer no is ZSA go bespreche und denn grad no is restaurant. aber ich denk es git keis menu, mir lönd d gäst eifach a la carte bstelle, sind eh nöd viel. vilicht de wii ussueche, das wär no e idee. und halt luege wäg de ziite, timing, apero etc. de mached mer au grad det.
candybuffet sötti no finalisiere, süessigkeite chaufe etc. gfäss und deko hani scho.
denn bini no am luege wägem schmuck und am nächste weekend gönd mer mal no de ring vo mim schatz go ussueche. ich ha mine scho eeeewig :-) netterwiis dörfi denn grad min verlobigsring abgeh zum uffrische, obwohl mer de nöd mal det kauft händ. supernett :-)
und ich bi am tagesablauf. gester hani no mit mim papi telefoniert, de fahrt eus miteme füürwehr-oldtimer vo eus dihei id stadt denn... freu mi mega! das wird eh super :-)
nei i weiss no nid gnau weles..... mi gg ischmer da nid sone hilf aber bi üs wirds ähnlech gah, würklech üebe wärdemer wohl nid... i hoffe de eifach, dases bim tanze möglechsch dunku isch im ruum mir hei ja zwar 2 tanzkürs gmacht letscht jahr aber wes die bruchsch blibt dr das nid würklech. u i weiss, mir hei denn scho immer es meeega kniepp gha mit üsne bei
coool himbeer lauft ja richtig :)) ahhh und hammer füürwehrauto findi hammer
hehehe luss ja säg nüt i ha de gseit wenn mer "tanzed" sell de Saal dunkel si und eifach cherzli bränne.. hihihi
mmm für de apero weis ebe ned zerst hani denkt so Lounge musik aber irgendwie findi passts ned eso weis jetzt ned obi sell chli fröhlichi lieder oder eifach so hintergrundsmusik :-/
froue..... i gibes ja zue.... i ha scho ghürate ........................ ....................... ...................... u i wott öich doch mis hz-bild nid vorenthalte
Anmelden
